U Misii demakratyčnaj Biełarusi va Ukrainie budzie novy kiraŭnik
Śviatłana Cichanoŭskaja na pasiadžeńni Abjadnanaha pierachodnaha kabinieta i Kaardynacyjnaj rady abviaściła pra majučyja adbycca kadravyja źmieny ŭ strukturach demakratyčnych sił. U pryvatnaści, jana paviedamiła, što 9 žniŭnia na kanfierencyi «Novaja Biełaruś» budzie pradstaŭleny novy kiraŭnik Misii demakratyčnaj Biełarusi va Ukrainie, piša «Lusterka».
Ciapierašniaha kiraŭnika Hienadzia Mańko zamienić jahonaja namieśnica Śviatłana Šacilina — viadomaja aktyvistka biełaruskaj dyjaspary va Ukrainie. Jana rodam ź Minska, ale ŭžo bolš za 20 hadoŭ žyvie va Ukrainie. Paśla padziej 2020 hoda Šacilina aktyŭna zajmałasia dapamohaj uciekačam i pravaabarončaj dziejnaściu.
Akramia taho, Cichanoŭskaja anansavała novaje pryznačeńnie ŭ ekanamičnym błoku Kabinieta, pra jakoje ŭžo kazali raniej — pradstaŭnicaj pa ekanomicy i finansach stanie ekanamistka Alisa Ryžyčenka.
Taksama Cichanoŭskaja źviarnułasia da Kaardynacyjnaj rady z prośbaj prapanavać kandydatury na jašče adnu važnuju vakantnuju pasadu — pradstaŭnika pa adnaŭleńni zakonnaści i pravaparadku. Hetaja pazicyja zastajecca niezaniataj užo dva hady — paśla adstaŭki Alaksandra Azarava, byłoha kiraŭnika inicyjatyvy Bypol.
U Abjadnanym pierachodnym kabiniecie čakajucca novyja pryznačeńni. Nie tolki «ministr ekanomiki»
«Ja hatovaja stać ministram ekanomiki Biełarusi». Novy tvar u Kabiniecie Alisa Ryžyčenka — pra karupcyju na karyść Łukašenak, Zareckuju i reformy
«Ruskija sałdaty, vas doma nie kormiać?» Raskaz biełaruski, čyje syny abaraniajuć Kijeŭ
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary