Святлана Ціханоўская на пасяджэнні Аб’яднанага пераходнага кабінета і Каардынацыйнай рады абвясціла пра маючыя адбыцца кадравыя змены ў структурах дэмакратычных сіл. У прыватнасці, яна паведаміла, што 9 жніўня на канферэнцыі «Новая Беларусь» будзе прадстаўлены новы кіраўнік Місіі дэмакратычнай Беларусі ва Украіне, піша «Люстэрка».
Цяперашняга кіраўніка Генадзя Манько заменіць ягоная намесніца Святлана Шаціліна — вядомая актывістка беларускай дыяспары ва Украіне. Яна родам з Мінска, але ўжо больш за 20 гадоў жыве ва Украіне. Пасля падзей 2020 года Шаціліна актыўна займалася дапамогай уцекачам і праваабарончай дзейнасцю.
Акрамя таго, Ціханоўская анансавала новае прызначэнне ў эканамічным блоку Кабінета, пра якое ўжо казалі раней — прадстаўніцай па эканоміцы і фінансах стане эканамістка Аліса Рыжычэнка.
Таксама Ціханоўская звярнулася да Каардынацыйнай рады з просьбай прапанаваць кандыдатуры на яшчэ адну важную вакантную пасаду — прадстаўніка па аднаўленні законнасці і правапарадку. Гэтая пазіцыя застаецца незанятай ужо два гады — пасля адстаўкі Аляксандра Азарава, былога кіраўніка ініцыятывы Bypol.
У Аб'яднаным пераходным кабінеце чакаюцца новыя прызначэнні. Не толькі «міністр эканомікі»
«Я гатовая стаць міністрам эканомікі Беларусі». Новы твар у Кабінеце Аліса Рыжычэнка — пра карупцыю на карысць Лукашэнак, Зарэцкую і рэформы
«Рускія салдаты, вас дома не кормяць?» Расказ беларускі, чые сыны абараняюць Кіеў
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары