Pavodle infarmacyi vydańnia Bloomberg, ZŠA i Rasija ciapier viaduć pieramovy pra mahčymuju mirnuju damovu, jakaja moža zamacavać za Kramlom zachoplenyja ŭkrainskija terytoryi.
Zhodna ź infarmacyjaj ad amierykanskich čynoŭnikaŭ, baki pracujuć nad padrychtoŭkaj sustrečy pamiž prezidentam ZŠA Donaldam Trampam i kiraŭnikom Rasii Uładzimiram Pucinym — jana moža adbycca ŭžo na nastupnym tydni.
Pahadnieńnie, jakoje abmiarkoŭvajuć, maje na mecie zamarozić vajnu i pačać pieramovy pra spynieńnie ahniu. Adnak krynicy adznačajuć, što jana «niapeŭnaja» i moža vyklikać supraciŭ z boku Ukrainy i jeŭrapiejskich sajuźnikaŭ.
Rasija patrabuje, kab Ukraina pieradała joj usiu ŭschodniuju častku Danbasa i Krym. Heta aznačaje, što prezident Ukrainy Uładzimir Zialenski pavinien budzie addać zahad ab vyvadzie vojskaŭ z častki Łuhanskaj i Danieckaj abłaściej, jakija ŭsio jašče kantralujucca Kijevam. Taki krok daść Maskvie toje, čaho jana nie zmahła dabicca siłaj z pačatku poŭnamaštabnaj vajny ŭ 2022 hodzie.
Sa svajho boku ŭ ramkach pahadnieńnia Rasija nibyta pahodzicca spynić nastup u Chiersonskaj i Zaparožskaj abłaściach, ale pakul niezrazumieła, ci źbirajecca jana admovicca ad inšych akupavanych terytoryj, u tym liku ad Zaparožskaj AES.
Pieramovy faktyčna nakiravanyja na zamarožvańnie kanfliktu, choć ZŠA raniej nastojvali na biezumoŭnym spynieńni ahniu pierad pačatkam luboha mirnaha pracesu.
Kali pahadnieńnie realizujecca, to heta stanie vialikaj pieramohaj dla Pucina, jaki doŭhi čas imknuŭsia da pramych pieramovaŭ z ZŠA. Dla Zialenskaha heta moža stać vybaram pa pryncypie «biary abo sychodź» — z ryzykaj straty terytoryj. Jeŭropa ž baicca, što za čas pieramirja Rasija moža adnavić svaje siły.
Pakul taksama niezrazumieła, ci pahodzicca Pucin na mahčymuju trochbakovuju sustreču z Trampam i Zialenskim. Niekatoryja čynoŭniki sumniavajucca, što jon sapraŭdy hatovy skončyć vajnu biez dasiahnieńnia ŭsich svaich metaŭ.
«Vielmi zakłapočanyja». Łukašenka raskazaŭ, jak na jahonyja sproby pieramaŭlacca z amierykancami reahujuć u Rasii
Cichanoŭskaja prapanavała Trampu, jak dalej dziejničać u pytańni Biełarusi
Tramp: Pucinu nie treba sustrakacca ź Zialenskim pierad sustrečaj sa mnoj
U ZŠA nazvali piać mahčymych scenaryjaŭ zakančeńnia vajny va Ukrainie
Pucin nazvaŭ AAE adnym z prydatnych miescaŭ dla jaho sustrečy z Trampam
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary
Ale ž inšyja alternatyvy jakija? Eŭropa tysiačahodździ vajavała i ruchała svai miežy, pa vynikam vajny. Čym situacyja adroźnivajecca ad minułych časoŭ?