Łukašenka pra mahčymaść bałatavacca na jašče adzin termin: Trampu chutka 80, i jon prystojna vyhladaje
70-hadovy Łukašenka ŭ intervju Time parazvažaŭ pra mahčymaść bałatavacca ŭ dalejšym, piša BiełTA.
Žurnalist Sajman Šuster adznačyŭ, što pra małodšaha syna Mikałaja ŭ zachodnich ŚMI časta pišuć jak pra pierajemnika Alaksandra Łukašenki na prezidenckaj pasadzie.
«Nie, jon nie pierajemnik. Ja tak i viedaŭ, što ty chočaš spytać. Nie, nie, nie. Voś ty ŭ jaho spytaj — ty jaho možaš tak mocna pakryŭdzić hetym», — zajaviŭ Łukašenka.
Alaksandr Łukašenka dapuściŭ, što nastupnym prezidentam Biełarusi moža stać čałaviek, jaki budzie pravodzić niekalki inšuju palityku.
«Tolki adrazu niachaj ničoha nie łamaje, a tak, jak ja rabiŭ, — abapirajučysia na plečy mocnych, na toje, što jość, spakojna evalucyjna raźvivaŭ krainu, kab nie było voś hetaj łomki revalucyjnaj. A kali jon pierakanaje hramadstva, što treba iści da niejkaha inšaha stanu, dziela boha», — skazaŭ jon.
Łukašenka taksama adkazaŭ na pytańnie, ci płanuje jon vyłučacca na novy prezidencki termin: «Nie, ja ciapier užo nie płanuju, užo nie płanuju. Ja, adzinaje, mahu sabie dazvolić dzieści dla siabie, ja heta taksama nie ahučvaŭ: nu, słuchajcie, kali Trampu chutka 80 (Trampu zaraz 79. — NN), i jon prystojna vyhladaje… ».
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram18
Kamientary