U Kijevie pachavali ŭkrainskuju žurnalistku, jakaja zahinuła ŭ rasijskim pałonie
U Kijevie na Bajkavych mohiłkach adbyłosia pachavańnie ŭkrainskaj žurnalistki Viktoryi Roščynaj, jakaja zahinuła padčas znachodžańnia ŭ pałonie ŭ rasiejskim izalatary. Pierad pachavańniem prajšła panichida ŭ Michajłaŭskim sabory, a potym raźvitańnie z žurnalistkaj prajšło na Majdanie Niezaležnaści, paviedamlaje «Radyjo Svaboda».

Viktoryja pracavała ŭ šerahu viadomych ukrainskich ŚMI i była ŭhanaravanaja mižnarodnaj premijaj za mužnaść u žurnalistycy. U 2022 hodzie jaje ŭpieršyniu zatrymali rasijskija vajskoŭcy na akupavanych terytoryjach, ale tady adpuścili. Paźniej, kali jana znoŭ sprabavała trapić u zonu bajavych dziejańniaŭ, źnikła bieź viestak.
Tolki ŭ krasaviku 2025 hoda jaje cieła viarnuli va Ukrainu, adnak jano mieła prykmiety katavańniaŭ — byli adsutnyja niekatoryja ŭnutranyja orhany. Rasiejski bok nie daŭ tłumačeńniaŭ rodnym pra abstaviny jaje śmierci.
7 žniŭnia śledčyja va Ukrainie vystavili padazreńnie kiraŭniku śledčaha izalatara ŭ Tahanrohu, dzie, pavodle źviestak, Viktoryju katavali i ździekavalisia ź jaje. U izalatary, jak ličać pravaachoŭniki, dziejničała sistema represij suprać ukraincaŭ, navat siarod mirnych hramadzian.
Śledstva praciahvajecca, i Ukraina płanuje sudzić adkaznych zavočna pa artykułach, što praduhledžvajuć adkaznaść za žorstkaje abychodžańnie z cyvilnym nasielnictvam.
Zialenski ŭznaharodziŭ zakatavanuju ŭ rasijskim pałonie žurnalistku
Stała viadoma, jak u Rasii žachliva katavali ŭkrainskuju žurnalistku Viktoryju Roščynu
«Važyła da 30 kiłahramaŭ». Ukrainskuju žurnalistku, jakaja pamierła ŭ rasijskim pałonie, katavali
28-hadovaja ŭkrainskaja žurnalistka Viktoryja Roščyna pamierła ŭ rasijskim pałonie
Kamientary