Stała viadoma, jak u Rasii žachliva katavali ŭkrainskuju žurnalistku Viktoryju Roščynu
Cieła viarnuli biez vačej, mozhu i častki hartani.
Hety tekst utrymlivaje apisańnie scenaŭ hvałtu i moža emacyjna traŭmavać.
Pierad tym, jak viarnuć cieła zahinułaj u rasijskim SIZA ŭkrainskaj žurnalistki Viktoryi Roščynaj va Ukrainu, u jaje byli vydalenyja častki ŭnutranych orhanaŭ, vyśvietlili «Važnyja historyi» ŭ miežach mižnarodnaha rasśledavańnia.
Tak ułady mahli sprabavać schavać ślady hvałtu i katavańniaŭ, ličyć sudova-miedyčny ekśpiert — rasijski bok časam viartaje Ukrainie cieły biez orhanaŭ.
Roščyna trapiła ŭ pałon da rasijskich vajskoŭcaŭ u žniŭni 2023 hoda, kali rasśledavała datyčnaść FSB da vykradańniaŭ ukraincaŭ u Zaparožskaj vobłaści. Na toj momant joj było 27 hadoŭ.
U MUS Ukrainy pra repatryjacyju cieła Roščynaj paviedamili 24 krasavika. Jak vyśvietlili «Važnyja historyi» i kalehi z zamiežnych ŚMI, cieła žurnalistki pieradali Ukrainie ŭ ramkach abmienu jašče ŭ lutym 2025-ha jak cieła nieviadomaha mužčyny.
Tady ŭ morh Vińnicy raźmierkavali pakiet z nadpisam «NM SPAS 757» (Nieviadomy mužčyna, sumarnaje paražeńnie arteryj serca, paradkavy numar 757). U im vyjavili zamarožanaje cieła žančyny ŭ stanie hłybokaha źniasileńnia ź birkaj «7390 Roščyna V. V.».
Na ciele zahinułaj byli vyjaŭlenyja šmatlikija prykmiety katavańniaŭ i žorstkaha abychodžańnia, u pryvatnaści ssadziny i krovaźlićci na roznych častkach cieła, złamanaje rebra, paškodžańnie šyi i mahčymyja ślady ad vykarystańnia elektratoku na stupniach, — apisaŭ vyniki ekśpiertyzy pradstaŭnik ofisa hienprakurora Ukrainy Juryj Biełavusaŭ.
Pierad adpraŭkaj va Ukrainu ź cieła Roščynaj byli vydalenyja vočnyja jabłyki, mozh i častka hartani. Padjazyčnaja kostka była złamana, paviedamiła krynica, nabližanaja da rasśledavańnia hibieli Roščynaj.
«Vydalać hartań padčas vykryćcia — niestandartnaja praktyka. Hartań moža być dobrym dokazam udušeńnia. Kali čałavieka dušać, u jaho najčaściej łamajecca padjazyčnaja kostka. Pry ŭdušeńni ŭ białkach vačej možna vyjavić krovaźlićcio, a ŭ mozhu — niedachop kisłarodu», — raspavioŭ apytany sudmiedekśpiert.
Krynica ŭ siłavych strukturach Ukrainy paviedamiła, što Rasija časam viartaje cieły ŭkraincaŭ biez unutranych orhanaŭ, tłumačačy heta pratakołami abychodžańnia ź ciełami, ale pryčynaj moža być i sproba schavać ślady katavańniaŭ.
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk11
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ55
Kamientary
miedviediev, putin, patrušiev - eto nazyvajut dienacifikacijej, a kiriłł-hundiajev, hołova moskovsko-popovskoj cierkvi, ośvieŝajet i proroviedujet dienafikaciju, błahosłovlajet na vsio eto
[Zredahavana]