«Ty jašče nie stamiłasia?» Apublikavali pierapisku Mielnikavaj, dzie joj pahražali
Dahetul nieviadoma, što ž zdaryłasia z byłoj śpikierkaj Kaardynacyjnaj rady Anžalikaj Mielnikavaj. Kanadskaje vydańnie Le Devoir apublikavała paviedamleńni, jakija jana atrymlivała ad nieviadomaha surazmoŭcy ŭ 2024 hodzie.
Pavodle «Kibierpartyzanaŭ», Mielnikava, prynamsi z 2023 hoda, mieła blizkija adnosiny z Alaksiejem Łabiejevym, ahientam KDB. U žniŭni taho ž hoda jana jeździła ŭ adpačynak na Kubu ź im.
Naprykancy lutaha 2025 hoda Mielnikava palacieła ź dźviuma dočkami ŭ Łondan, potym na Šry-Łanku i ŭ Dubaj. Dalej jaje maršrut nieviadomy.
Pavodle haziety Le Devoir (žurnalisty vypuścili artykuł pra toje, jak KDB pieraśleduje biełaruskich aktyvistaŭ), 12 krasavika 2024 hoda Mielnikava atrymała ŭ telehramie sieryju paviedamleńniaŭ z pahrozaj.
U pierapiscy da Anžaliki źviartajucca «Lika». «Chto ty?» — pytajecca jana. «Tvoj dobry siabar», — adkazvaje ananimny surazmoŭca, paśla čaho idzie čarha pahroz. Jon zhadvaje pra vobšuk i ŭskosna zaklikaje jaje pakajacca, pajści na supracoŭnictva. Jon taksama zhadvaje adnu ź siabrovak Mielnikavaj pa imieni, nibyta dla šantažu: «Ty ž pamiataješ, što ŭ jaje dzicia-invalid, tak? […] Ty stvaryła joj šmat prablem, ale ŭsio možna ŭrehulavać».
U kancy pierapiski surazmoŭca kaža, što «pieradaść pryvitańnie» maci Mielnikavaj.
Łatuška: Jość padazreńni, što Mielnikava ŭžo nie žyvaja
Stała viadoma imia jašče adnaho ahienta KDB, jaki moža być datyčnym da źniknieńnia Mielnikavaj
Šamietaviec: Paśla źniknieńnia ni Mielnikava, ni ad jaje imia na «Kibierpartyzanaŭ» nie vychodzili. Jana nie maje čym nas šantažavać
Stryžak raskazaŭ, jak Mielnikava z hrašyma chacieła dałučycca da pracy «Bajsoła»
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary