Stała viadoma imia jašče adnaho ahienta KDB, jaki moža być datyčnym da źniknieńnia Mielnikavaj
Jon supravadžaŭ kachanka Mielnikavaj, ahienta Alaksieja Łabiejeva, kali jany razam z Anžalikaj adpačyvali na Šry-Łancy.
U studzieni 2024 hoda sumiesna z Łabiejevym na Šry-Łanku supravadžaŭ taksama ahient KDB z pašpartam prykryćcia na imia Vasila Kajčanki (VASILI KAICHANKA), 1981 hoda naradžeńnia.
Taksama Kibierpartyzany adprečyli ŭłasnyja padazreńni nakont datyčnaści da spravy Mielnikavaj siamji Andrejevych. Były śledčy Andrej Andrejeŭ z žonkaj Irynaj Andrejevaj (Macuraj), u minułym — supracoŭnicaj Barysaŭskaha RUUS, prybyli ź Biełarusi na Šry-Łanku ŭ adzin čas z Łabiejevym, a paśla ŭ adzin dzień ź im viarnulisia ŭ Biełaruś.
Ale, jak vyśvietliłasia, siamja Andrejevych praviała ŭvieś adpačynak u inšaj častcy vostrava. Niahledziačy na toje, što daty padarožžaŭ, a taksama pačatkovyja i kančatkovyja punkty maršrutaŭ u ich z Łabiejevym supadali, Kibierpartyzany pryjšli da vysnovy, što z vysokaj vierahodnaściu Andrejevy nie majuć dačynieńnia da spravy Anžaliki.
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary
Dyk baza stukačoŭ užo jość apublikavanaja. I Kibiery nie rasśledavalniki, kab rabić niejkija vysnovy z hetaj infarmacyi
Pry hetym, kali Kibierpartyzany viedajuć, što pašpart Vasila - heta pašpart prykryćcia, značyć, viedajuć i sapraŭdnyja imia, proźvišča, fota supracoŭnika KDB. Ale čamuści nie kažuć.
Pry hetym, užo BelPol raniej kazaŭ, što majuć bazu ŭsich pašpartoŭ prykryćcia. Čamu nie raskryvajuć, nie skazali. I zacikaŭlenych u hetym žurnalistaŭ dahetul nie znajšłosia.