Adzin ź viernikaŭ naviedaŭ mahiłu viadomaha biełaruskaha mastaka Alesia Puškina, jaki pamior u źniavoleńni dva hady tamu ŭ haradzienskaj turmie, piša katolik.life.
Viernik, jaki sam byŭ asudžany i paśla vyzvaleńnia zastaŭsia ŭ Biełarusi, ušanavaŭ pamiać mastaka, jakomu mahło spoŭnicca 6 žniŭnia 60 hadoŭ.
Puškina pachavali na jaho radzimie — u vioscy Bobr Krupskaha rajona.
Na nadmahilnym kamieni ŭstalavany ścipły, ale admysłovy, mastacka aformleny pomnik: kavany kryž ź biełaruskimi simvałami, z vyjavami kvietak, što nibyta prabivajucca praz rašotku. Kryž nakryvaje ciernievy vianiec, pad im — nacyjanalnaja simvolika.
Na zvarotnym baku šyldy vybity słovy vierša Alaksandra Łukašuka, na jakija napisaŭ pieśniu «Kałychanka» Lavon Volski.
- ...I hołasu ŭsich nie pazbaviać,
- Tolki ciabie.
- I nie pazbaviać usich Radzimy,
- Tolki ciabie.
- I ŭ turmu ŭsich nia kinuć,
- Tolki ciabie.
- I na vajnie ŭsich nie zabjuć,
- Tolki ciabie.
- Ale lubić buduć
- Tolki ciabie.
- I paminać u malitvie buduć
- Tolki ciabie,
- Bo hołas Biełarusi
- Tolki ty.
Kamientary