Izrailskija ŭłady ŭchvalili płan Nietańjachu pa akupacyi horada Haza
Kamisija ministraŭ pa pytańniach nacyjanalnaj biaśpieki (vajenna-palityčny kabiniet) Izraila ŭchvaliła prapanovu premjer-ministra Bińjamina Nietanijahu ab razhromie CHAMASa, paviedamlaje Newsru.co.il ca spasyłkaj na kancylaryju kiraŭnika ŭrada.
CACHAŁ padrychtujecca da ŭstalavańnia kantrolu nad horadam Haza, adnačasova zabiaśpiečvajučy humanitarnuju dapamohu hramadzianskamu nasielnictvu pa-za zonami bajavych dziejańniaŭ.
Kabiniet bolšaściu hałasoŭ pryniaŭ piać pryncypaŭ zaviaršeńnia vajny:
- 1. Razzbrajeńnie CHAMASa.
- 2. Viartańnie ŭsich zakładnikaŭ — i žyvych, i zahinułych.
- 3. Demilitaryzacyja siektara Hazy.
- 4. Izrailski kantrol biaśpieki ŭ siektary Hazy.
- 5. Farmiravańnie alternatyŭnaha hramadzianskaha kiravańnia, nie źviazanaha ni z Chamasam, ni z paleścinskaj administracyjaj.
«Pieravažnaja bolšaść ministraŭ paličyła, što alternatyŭny płan, pradstaŭleny Kabinietu, nie zabiaśpiečyć ni razhrom CHAMASa, ni viartańnie zakładnikaŭ», — adznačajecca ŭ paviedamleńni kancylaryja kiraŭnika ŭrada Izraila.
U chodzie pasiadžeńnia «vuzkaha» Kabinieta ministraŭ pa palitycy i biaśpiecy kiraŭnik hienštaba CACHAŁa hienierał-lejtenant Ejal Zamir pradstaviŭ palityčnamu kiraŭnictvu dźvie alternatyŭnyja mahčymaści pašyreńnia vajennaj apieracyi ŭ siektary Hazy: poŭnaja zavajova ŭsioj terytoryi siektara ci ž atačeńnie siektara z rehularnymi kropkavymi rejdami — vajna na źniasileńnie CHAMASa.
Zamir spadziavaŭsia pierakanać kiraŭnika ŭrada pryniać bolš umierany płan vajny na źniasileńnie CHAMASa. Zamir padkreślivaŭ, što ŭ vajskoŭcaŭ niama mahčymaści harantavać biaśpieku zakładnikaŭ u vypadku vajennych dziejańniaŭ u zonie, dzie terarysty ŭtrymlivajuć vykradzienych Izrailcian. Akramia taho, izrailskija vajskoŭcy, jak reziervisty, tak i terminoviki, vymatanyja paśla amal dvuch hadoŭ najciažejšych vajennych dziejańniaŭ, abstalavańnie maje patrebu ŭ absłuhoŭvańni i abnaŭleńni.
Kiraŭnik urada Bińjamin Nietanijachu nastojvaŭ na tym, što ŭsie pryniatyja dahetul namahańni nie pryviali da vyzvaleńnia zakładnikaŭ, tamu nieabchodna iści na inšyja kroki. Akupacyi siektara Hazy patrabavali i najbolš žorstka nastrojenyja ministry-Itamar Ben-Hvir i Biecalel Smotryč.
Paralelna z abmierkavańniem zachopu siektara Hazy pasiaredniki akazvajuć cisk na CHAMAS, patrabujučy viartańnia za stoł pieramovaŭ i prajavy maksimalnaj hnutkaści, pakolki «akno mahčymaściaŭ» chutka začynicca.
Kamientary