U Breście zatrymali kurjera machlaroŭ, jaki chacieŭ uciačy z hrašyma. Jaho zdali sami najmalniki
U Breście milicyja zatrymała 23-hadovaha inšaziemca, jaki pracavaŭ kurjeram u telefonnych machlaroŭ. Jon pavinien byŭ zabrać hrošy ŭ piensijanierki i pieradać ich ašukancam, ale zamiest hetaha vyrašyŭ prysvoić hrošy sabie i źbiehčy ź imi.
Jak paviedamlaje Śledčy kamitet, piensijaniercy patelefanavaŭ nibyta supracoŭnik finansavaj milicyi i pierakanaŭ jaje, što treba zadekłaravać aščadžeńni. Žančyna pavieryła i addała kurjeru bolš za 17 tysiač dalaraŭ.
Paźniej vyśvietliłasia, što sami machlary «zdali» svajho kurjera — dasłali paciarpiełaj fota jaho pašparta, papiaredziŭšy pra machlarstva. Tak jany, vierahodna, chacieli pakarać kurjera za toje, što toj vyrašyŭ pakinuć hrošy sabie.
U dačynieńni da zatrymanaha kurjera zaviedziena kryminalnaja sprava za machlarstva ŭ asabliva bujnym pamiery (č.4 art. 209 KK Biełarusi), jon znachodzicca pad vartaj.
SK nahadaŭ, što «praca» kurjeram u machlaroŭ moža pryvieści da 12 hadoŭ pazbaŭleńnia voli, bo złačyncy časta vykarystoŭvajuć takich ludziej jak raschodny materyjał. Ciapier praciahvajucca śledčyja dziejańni dla vyjaŭleńnia arhanizataraŭ schiemy.
U ZŠA aryštavali žančynu, jakaja prykidvałasia miedsiastroj. Jana akazała dapamohu tysiačam pacyjentaŭ
Milicyja zaklikała žycharoŭ Maładziečanščyny być pilnymi z hrašyma, bo jość šmat falšyvak
Školnik u Minsku spałochaŭsia machlaroŭ i vynies usie hrošy z doma
Machlary aktyvizujuć fejkavyja telehram-boty pad vyhladam bankaŭskich akaŭntaŭ
Kamientary