Zialenski i Tramp pa telefonie abmierkavali pastaŭki «Tamahaŭkaŭ» Ukrainie
Razmova doŭžyłasia kala 30 chvilin. Zialenski apisaŭ jaje jak vielmi pazityŭnuju i praduktyŭnuju, piša Axios.
Prezident Ukrainy Uładzimir Zialenski źviazaŭsia pa telefonie sa svaim amierykanskim kaleham Donaldam Trampam.
Zialenski pavinšavaŭ Trampa ź mirnym pahadnieńniem u Hazie i skazaŭ, što kali hetaja vajna moža być spyniena, «tady dakładna inšyja vojny mohuć być spynienyja taksama, u tym liku i hetaja rasijskaja vajna».
Lidary abmierkavali mahčymaść pastaŭki Ukrainie amierykanskich dalnabojnych rakiet «Tamahaŭk». Ci pryjšli Tramp i Zialenski da niejkaha kansensusu, nieviadoma. Adnak ukrainski prezident nazvaŭ razmovu vielmi pazityŭnaj i praduktyŭnaj.
Zialenski paviedamiŭ, što abmierkavaŭ z Trampam uzmacnieńnie ŭkrainskaj SPA.
«Ja painfarmavaŭ Prezidenta Trampa ab rasijskich udarach pa našaj enierhietyčnaj sistemie — i ja ŭdziačny za jaho hatoŭnaść padtrymać nas. My abmierkavali mahčymaści ŭzmacnić našu supraćpavietranuju abaronu, a taksama kankretnyja damoŭlenaści, jakija my rychtujem dla zabieśpiačeńnia hetaha.
Jość dobryja varyjanty i mocnyja idei, jak realna ŭzmacnić nas. Patrebnaja hatoŭnaść z rasijskaha boku ŭdzielničać u sapraŭdnaj dypłamatyi — heta moža być dasiahnuta praź siłu», — napisaŭ Zialenski ŭ sacsietkach.
Niadaŭna Tramp zajaviŭ, što «ŭžo pryniaŭ rašeńnie» nakont prodažu dalnabojnych rakiet «Tamahaŭk» krainam NATA dla nastupnaj ich pastaŭki va Ukrainu. Tramp skazaŭ, što choča viedać, što ŭkraincy płanujuć rabić z rakietami, pierš čym jon ich pastavić.
Amierykanskija kryłatyja rakiety majuć značna bolšuju dalokaść dziejańnia, čym rakiety, jakija Ukraina atrymała dahetul, i lepš zdolnyja nanosić udary pa ćviordych celach, takich jak składy zbroi, čym bieśpiłotniki, jakija Ukraina vykarystoŭvaje zaraz dla dalnabojnych udaraŭ.
Uładzimir Pucin raniej zajaviŭ, što pastaŭka Tomahawk va Ukrainu stanie «całkam novym, jakasna novym etapam eskałacyi».
Ciapier užo MZS Rasii pahražaje ZŠA praz mahčymuju pieradaču «Tamahaŭkaŭ» Ukrainie
Pastaŭki rakiet «Tamahaŭk» va Ukrainu małajmaviernyja — Reuters
Džej Dzi Vens: Rasijanam treba pračnucca i źmirycca z realnaściu. Rašeńnie pra «Tamahaŭki» prymie Tramp
Piaskoŭ prakamientavaŭ zajavy pra mahčymuju pastaŭku «Tamahaŭkaŭ» Ukrainie
Kamientary
Čamu ? Kali nie stanie na karcie śvietu dziaržavy Biełaruś, a stanie čarhovaja kałonija pasiei, to nijakaj demakratyi , pravoŭ čałavieka, pakoju nie budzie nikoli. Bo ŭ pasiejskich impieryjach nikoli demakratyi nie było i nie budzie. Bo pasieja heta Manholskaja (K. Marks) impieryja. U Manholskich impieryjach demakratyi nie moža być navat tearetyčna .