Z 6 kastryčnika Saviet biaśpieki pravodzić raptoŭnuju pravierku šerahu voinskich častak i złučeńniaŭ Uzbrojenych Sił. Ciapier raspačaŭsia druhi etap — z maršavymi pierasoŭvańniami, pierapravami i bajavymi strelbami.
Na pieršym etapie tankavyja i miechanizavanyja padraździaleńni byli pryviedzieny ŭ bajavuju hatoŭnaść, ukamplektavany i rušyli ŭ rajony, dzie na praciahu troch sutak abstaloŭvali pazicyi.
Vajskoŭcy adpracoŭvali taktyčnuju maskiroŭku, inžyniernyja raboty, achovu ad pavietranych i naziemnych pahroz, u tym liku ad DRH.
Na druhim etapie padraździaleńni ździajśniajuć marš u novyja rajony pryznačeńnia, u tym liku ź pieraadoleńniem vodnych pieraškod pa pantonnych pierapravach.
Asobna praviaralisia inžyniernyja čaści Paŭnočna-Zachodniaha kamandavańnia — na zdolnaść chutka arhanizoŭvać pierapravy i zabiaśpiečvać ich prykryćcio.
Vajennasłužačyja pavinny vykanać kantrolnyja strelby i inšyja praktykavańni pa ahniavoj, inžyniernaj i taktyčnaj padrychtoŭcy, pakazać fizičnuju vynoślivaść.
Pa słovach dziaržsakratara Savieta biaśpieki Alaksandra Valfoviča, asabovy skład pakazvaje «vysokija prafiesijnyja navyki», i pravierka dazvolić acanić, nakolki efiektyŭnaj była padrychtoŭka ciaham navučalnaha hoda.
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary
Načalnik pohranochrany: v rajonie Saatsieskoho sapoha pieriedvihaliś vooružionnyje hruppy.
Estoniju budiet ruśnia riezať.