Łukašenka: Kali ZŠA spatrebicca, Biełaruś hatovaja dapamahčy ŭ mirnym urehulavańni kanfliktu va Ukrainie
Biełaruś hatovaja pryniać udzieł u mirnym urehulavańni kanfliktu va Ukrainie, kali heta budzie zapatrabavana z boku ZŠA. Pra heta zajaviŭ Alaksandr Łukašenka 14 kastryčnika padčas narady, pryśviečanaj hłabalnaj mižnarodnaj situacyi i raźvićciu biełaruska-amierykanskich adnosin.
«Kali amierykancy chočuć urehulavać kanflikt va Ukrainie i bačać tam niejkuju nievialikuju našu rolu, my hatovyja ŭ hetym udzielničać», — zajaviŭ Łukašenka.
Jon adznačyŭ, što aficyjny Minsk prytrymlivajecca pazicyi: «Mir i tolki mir».
Pavodle jaho słoŭ, Ukraina pavinna zastacca suvierennaj i niezaležnaj dziaržavaj, a vajna musić być spyniena jak maha chutčej. «U advarotnym vypadku źniknie hetaja niezaležnaja suvierennaja dziaržava», — skazaŭ jon.
Taksama jon zajaviŭ, što hatovy zaklučyć vialikuju ździełku z ZŠA.
Kamientary