Łosik raskazaŭ, jak dva miesiacy tamu sustreŭ pa darozie ŭ kałoniju Palčysa
«Admaŭlajecca padpisvać pamiłuchi i zdymacca dla intervju».
Były palityčny źniavoleny, zasnavalnik kanała «Biełaruś hałaŭnoha mozhu» Ihar Łosik u fejsbuku raskazaŭ pra svaju sustreču z palitźniavolenym Eduardam Palčysam.
Sustreča adbyłasia 3 žniŭnia. Łosik i Palčys kala 2‑3 hadzin jechali ŭ adnym «stałypinskim» vahonie, u jakim tradycyjna pieravoziać źniavolenych.
«Trymajecca jon hodna i pa-bajavomu. Admaŭlajecca padpisvać pamiłuchi i zdymacca dla intervju, kremień, adnym słovam»,
— napisaŭ Łosik.
«Skončylisia 3 hady krytki [turmy] na Mahilovie, pavieźli na łahier nazad. Tam paru dzion na atradzie, 30 sutak ŠIZA, znoŭ PKT, vidać znoŭ na try hady na krytku paviazuć», — udakładniŭ jon, kudy tady vieźli Palčysa.
Na voli Łosik vykanaŭ prośbu Palčysa — sustreŭsia ź jaho žonkaj i dačkoj, padaryŭ kvietki ad siabra.
Łosik dadaŭ u dopisie, što bolš za ŭsio čakaje vyzvaleńnia svaich siabroŭ — Paŭła Biełavusa i Eduarda Palčysa.
Palityčnaha błohiera, hramadskaha dziejača Eduarda Palčysa zatrymali 27 vieraśnia 2020.
17 śniežnia 2021 hoda Minski haradski sud prysudziŭ jamu 13 hadoŭ pazbaŭleńnia voli va ŭmovach uzmocnienaha režymu. Palčysa pryznali vinavatym u arhanizacyi masavych biesparadkaŭ (č. 1 art. 293 KK), hrubym parušeńni paradku (č. 1 art. 342 KK), raspalvańni sacyjalnaj varožaści (č. 3 art. 130 KK) i zaklikach da dziejańniaŭ, nakiravanych na pryčynieńnie škody nacyjanalnaj biaśpiecy Biełarusi (č. 3 art. 361 KK).
Žonka Palčysa Viktoryja adna haduje ich maleńkuju dačku Emiliju.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im6
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary