Śviet 9 9

Nashaniva.com

13.10.2025 / 20:31

Kreml znajšoŭ sposab, jak biez abjaŭleńnia mabilizacyi kinuć na vajnu jašče 2 miljony rasijan

Rasijskija ŭłady rychtujucca pryciahnuć da vajskovaj słužby vialiki mabilizacyjny rezierv Ministerstva abarony, stvorany ŭ 2015 hodzie ŭkazam Uładzimira Pucina. 13 kastryčnika ŭrad Rasii ŭchvaliŭ zakonaprajekt, jaki dazvalaje prezidentu vykarystoŭvać reziervistaŭ biez abjaŭleńnia vajennaha stanovišča ci mabilizacyi ŭ kontrterarystyčnych apieracyjach i vajennych kanfliktach, u tym liku za miežami Rasii. Heta daje mahčymaść zadziejničać da dvuch miljonaŭ čałaviek, piša The Moscow Times.

Prezident Rasii Uładzimir Pucin. Fota: Ramil Sitdikov Pool Photo via AP

Jak paviedamlaje telekanał RTVI sa spasyłkaj na pieršaha namieśnika staršyni kamiteta Dziaržaŭnaj dumy pa abaronie Alaksieja Žuraŭlova, ciapier jurydyčnyja abmiežavańni, jakija raniej zaminali rasijskamu Ministerstvu abarony manieŭravać, likvidavanyja.

Zhodna z zakonaprajektam, dla reziervistaŭ buduć arhanizavanyja «śpiecyjalnyja zbory» na termin nie bolš za dva miesiacy dla vykanańnia zadač u halinie abarony. Adpaviednyja źmieny buduć uniesienyja ŭ zakony «Ab vajskovym abaviazku i vajskovaj słužbie» i «Ab statusie vajskoŭcaŭ».

Mabilizacyjny rezierv u Rasii składajecca ź ludziej, jakija majuć vajskovuju śpiecyjalnaść abo padpisali kantrakt ź Minabarony. Jany štohod prachodziać zbory, za čas jakich za imi zachoŭvajucca pracoŭnyja miescy, a pracadaŭcam vypłačvajucca kampiensacyi. Reziervisty atrymlivajuć za heta hrašovyja vypłaty i zachoŭvajuć svaje hramadzianskija abaviazki, ale ŭ vypadku nieabchodnaści ich mohuć pieršymi vyklikać u vajenkamaty i na zbory abo na inšyja mierapryjemstvy.

Jak kažuć jurysty, hetyja źmieny tyčacca tolki hramadzian, jakija zaklučyli kantrakt na dobraachvotnaj asnovie i znachodziacca ŭ mabilizacyjnym reziervie, i nie raspaŭsiudžvajucca na zvyčajnych zapaśnikoŭ. Adnak reziervistaŭ možna pryciahvać dla roznych zadač, u tym liku na ŭkrainskim froncie. Zakon dazvalaje vykarystoŭvać rezierv i za miežami Rasii.

Ekśpierty ličać, što hetaja inicyjatyva faktyčna raźviazvaje ruki ŭradu i armii: jana stvaraje hnutki miechanizm dla pryciahnieńnia reziervistaŭ u vypadku, kali standartnych miechanizmaŭ budzie niedastatkova. Pavodle dziejnaha zakanadaŭstva, reziervistaŭ možna było pryciahvać da realnych bajavych dziejańniaŭ tolki ŭ ramkach mabilizacyi i praz adpaviednyja kamisii, jakija z 2023 hoda nie dziejničajuć.

Čytajcie jašče

Kamientary9

Ja

13.10.2025

Vołodia, ty vilaj zadom kak chočieš. Nazyvaj eto mobilizacijej, sborom rieziervistov ili oznakomlenijem s bordielam v novych riehionach Rośsii. No suť nie mieniajetsia. Na vojnu nikto dobrovolno nie pojdiet. I vot kohda piervych ludołovov pristrielat na porohie kakoho-nibud́ doma v Kiemierievo, staniet intieriesno. Vova, u tiebia v Rośsii nikto nie zaŝiŝajet Rodinu ot tołp urok i ṕjanoj sołdatni. Prostomu čiełovieku eta vojna na … nie nužna. Kak vpročiem i vsie rośsijskije vojny biez pristavki «otiečiestviennaja».
Indrid Cold

13.10.2025

Ukraina ŭsich utyliziruje
Žvir

13.10.2025

Niaŭžo niechta mieŭ sumnievy, što pucinoidy nie zastanucca biez štychóŭ ? Inšaja sprava, ci hetym razam usio pojdzie hetak ža hładka, jak raniej, i ci nia varta čakać na niepadparadkavańni... Bo pierśpiektyva ŭsim jasnaja, navat tym, kaho j nie rekrutujuć siarod pieršych, a heta čaplaje 2 młn. + siemji j svajaki, i heta nie zeki, nie antysacyjalny elemient, i nie fakt, što ź niepieraadolnymi finansavymi prablemami... Heta ludzi, jakija dasiul nie žadali jści da vojska dabraachvotna ŭvieś čas vajny, siadzieli j nieadśviečvali.

Ciapier čytajuć

Na čempijanat śvietu pa futbole vyjšła zbornaja krainy, čyj ściah paraduje voka mnohich biełarusaŭ1 1

Užo kaštavali novy «Lidski kvas»?2 2

Nie horš za Amieryku i Zachodniuju Jeŭropu. Jak by vyhladaŭ Minsk, kali b byli realizavanyja davajennyja savieckija prajekty5 5

Azaraŭ šukaje biełarusaŭ z vopytam sačeńnia i padsłuchoŭvańnia7 7