Śmiarotnaje tatu 21‑hadovaj dziaŭčynie z Maładziečna zrabiŭ žanich za tydzień da viasiella: padrabiaznaści trahiedyi

Detali žudasnaj historyi ahučyła ŭ tyktoku dziaŭčyna Volha, jakaja viadzie akaŭnt pad nikam Mied_ekśpiert. Pra siabie jana raspaviadaje, što pracuje ŭ tatu-škole i miedsiastroj u ankałahičnym centry, a taksama napisała miedycynski dapamožnik dla majstroŭ tatu.

«U adnaho chłopca, jaki zajmaŭsia tatuiroŭkami, pamierła jaho budučaja žonka. U ich pavinna była adbycca viasielle na vychodnych. Dziaŭčyna zachacieła nabić tatu, i chłopiec zrabiŭ jaho», — patłumačyła jana.

Raniej paviedamlałasia, što dziaŭčyna z Maładziečna ŭ chatnich umovach zrabiła tatuiroŭku na levym pieradpleččy. Praz paru dzion paśla pracedury ŭ jaje padniałasia vysokaja tempieratura, pačyrvanieła i aciakła vobłaść tatuiroŭki. Chutkuju dapamohu vyklikaŭ jaje chłopiec, dziaŭčynu pryvieźli ŭ balnicu, ale vyratavać jaje daktary nie zmahli.

Zhodna ź infarmacyjaj u ŚMI, sudova-miedycynskaja ekśpiertyza vyznačyła, što śmierć nastupiła ŭ vyniku zapalenčaha pracesu ŭ arhaniźmie, to-bok siepsisu.

Volha ž dadaje, što ŭ dziaŭčyny taksama znajšli dvuchbakovuju pnieŭmaniju, jakaja praciakała bieź simptomaŭ:

«Chłopca abvinavacili ŭ tym, što jon vinavaty ŭ tym, što adbyłosia. Ja i pahadžusia, i nie. Hladzicie, dvuchbakovaja pnieŭmanija bieśsimptomnaja. To-bok čałaviek nie moh skazać, što ŭ jaho niešta balić. Nu,moža niejkaja zadyška była, kašal — moładź na takoje nikoli nie źviartaje ŭvahi. Tolki kali pryciśnie, tady. I ŭsie tatu-majstry viedajuć: lubaja tatuiroŭka (vialikaja, maleńkaja) — heta stres dla arhanizma. Imunitet u lubym vypadku pačynaje reahavać navat na nievialikaje paškodžańnie skury».

@olga_33buda Vsiehda pieried načałom sieansa, sprašivajtie u vašieho klijenta o tom, čiem bolejet na dannyj momient, jesť li allerhija na čto libo, kakije zabolevanija pierienies. Obŝajemsia dažie so svoimi druźjami ili rodstvieńnikami! Vsiehda dajem na podpiś sohłasije na naniesienije tatuirovki! V niem klijent dołžien otmietiť vsie ukazannyje punkty!#tatumiedicina#obučienijeminsk#obučienijemiedicinievtatuindustrii#tattoomedicina#tattoominsk ♬ orihinalnyj zvuk - MIED_EKSPJeRT‍⚕️

Volha ličyć, što tatuiroŭka stała dadatkovym faktaram da asnoŭnaj chvaroby. Jana raić usim majstram tatu ŭvažliva raspytvać klijentaŭ navat pra samyja minimalnyja simptomy chvarob i alerhii.

A taksama rekamienduje davać na podpis zhodu na naniasieńnie tatu, dzie jość i apytańnie nakont chvarob, jakija čałaviek maje. Admaŭlacca ad hetaha nielha, navat kali za tatu pryjšoŭ svajak ci niejki blizki siabar.

• 0
• 0
• 0
• 3
• 2
• 16
• 0
• 0