Majstryca z Polščy robić tatuiroŭki, ad vyhladu jakich moža ŭkałychać
Tatuiroŭka ŭ vyhladzie anhlijskaha nadpisu «Void» («Pustata») vyklikała burnyja abmierkavańni ŭ sacyjalnych sietkach.
Pra heta piša vydańnie «Zierkało».
Sakret tatuiroŭki paznańskaj majstrycy MIYO von D składajecca ŭ tym, što čym daŭžej vy hladzicie na jaje, tym macniej zdajecca, što malunak «ruchajecca». Hety ŭnikalny vizualny efiekt vyklikaje sapraŭdny dyskamfort u niekatorych ludziej, u tym liku hałaŭny bol.
Tatuiroŭka, jakuju nazvali «Statyčnaj tatuiroŭkaj z efiektam ruchu», stvaraje aptyčnuju iluziju dziakujučy śpiecyjalnaj technicy mastaka. Aŭtar varjiravaŭ taŭščyniu i hłybiniu linij, stvarajučy vibrujučy, niestabilny efiekt.
Publikacyja z vyjavaj tatuiroŭki na forumie Reddit sabrała amal 200 000 łajkaŭ i bolš za 5400 kamientaroŭ. Dumki karystalnikaŭ padzialilisia:
«Heta bliskučy dyzajn, ale hladzieć na jaho — sapraŭdnaje vyprabavańnie».
«Čort, u mianie ad hetaha hałava balić».
«U mianie ad hetaha kružycca hałava, i ja ślepnu. Što za štuka!»
Heta nie adzinaja tatuiroŭka majstrycy ŭ hetaj technicy. Miarkujučy pa jaje partfolia, «dryhotkija tatuiroŭki» karystajucca popytam u jaje klijentaŭ.
Ekśpierty adznačajuć, što takija vizualnyja efiekty nie tolki ździŭlajuć, ale i mohuć stymulavać mozh. Aptyčnyja hałavałomki dapamahajuć raźvivać kahnityŭnyja zdolnaści, palapšajučy analityčnaje myśleńnie i ŭmieńnie vyrašać zadačy.
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy46
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1313
Kamientary