Alaksandr Łukašenka ŭzhadniŭ naznačeńnie Dzianisa Duka rektaram Akademii kiravańnia, paviedamlaje BiełTA.
Da hetaha času Dzianis Duk zajmaŭ pasadu rektara Mahiloŭskaha dziaržaŭnaha ŭniviersiteta imia Arkadzia Kulašova.
Dzianisu Duku — 48 hadoŭ, jon doktar histaryčnych navuk. U 2004 hodzie abaraniŭ kandydackuju dysiertacyju «Materyjalnaja kultura nasielnictva Połacka XVI—XVIII stst.: pa vynikach archieałahičnaha vyvučeńnia».
U 2005—2013 hadach — zahadčyk kafiedry ajčynnaj i ŭsieahulnaj historyi Połackaha dziaržaŭnaha ŭniviersiteta.
U 2011 hodzie ŭ Instytucie historyi Nacyjanalnaj akademii navuk Biełarusi abaraniŭ doktarskuju dysiertacyju na temu «Połack IX—XVIII stst.: uźniknieńnie, farmiravańnie i raźvićcio».
Z 2013 pa 2017 hady byŭ prarektaram pa vučebnaj rabocie Połackaha dziaržaŭnaha ŭniviersiteta. Adnačasova vykładaŭ na kafiedry historyi i turyzmu historyka-fiłałahičnaha (paźniej — humanitarnaha) fakulteta.
Z 2017 hoda byŭ rektaram Mahiloŭskaha dziaržaŭnaha ŭniviersiteta imia Kulašova.
Z červienia 2024 hoda Akademiju kiravańnia uznačalvaŭ eks-kiraŭnik BRSM, eks-namieśnik kiraŭnika Administracyi Łukašenki, eks-namieśnik ministra infarmacyi Ihar Buzoŭski.
***
Taksama siońnia było niekalki pryznačeńniaŭ.
Pasadu pieršaha namieśnika ministra pa padatkach i zborach zojmie Uładzimir Mukvič. U hetym ža viedamstvie na pasadu namieśnika ministra ŭzhodniena kandydatura Volhi Staravojtavaj.
Alaksiej Stasiukievič zojmie pasadu namieśnika ministra pryrodnych resursaŭ i achovy navakolnaha asiarodździa.
Na pasadu namieśnika ministra pramysłovaści ŭzhodnieny Leanid Ryžkoŭski.
Novy namieśnik ministra źjavicca i ŭ Ministerstvie transpartu i kamunikacyj. Hetuju pasadu zojmie Siarhiej Macukoŭ.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ11
Kamientary