Аляксандр Лукашэнка ўзгадніў назначэнне Дзяніса Дука рэктарам Акадэміі кіравання, паведамляе БелТА.
Да гэтага часу Дзяніс Дук займаў пасаду рэктара Магілёўскага дзяржаўнага ўніверсітэта імя Аркадзя Куляшова.
Дзянісу Дуку — 48 гадоў, ён доктар гістарычных навук. У 2004 годзе абараніў кандыдацкую дысертацыю «Матэрыяльная культура насельніцтва Полацка XVI—XVIII стст.: па выніках археалагічнага вывучэння».
У 2005—2013 гадах — загадчык кафедры айчыннай і ўсеагульнай гісторыі Полацкага дзяржаўнага ўніверсітэта.
У 2011 годзе ў Інстытуце гісторыі Нацыянальнай акадэміі навук Беларусі абараніў доктарскую дысертацыю на тэму «Полацк IX—XVIII стст.: узнікненне, фарміраванне і развіццё».
З 2013 па 2017 гады быў прарэктарам па вучэбнай рабоце Полацкага дзяржаўнага ўніверсітэта. Адначасова выкладаў на кафедры гісторыі і турызму гісторыка-філалагічнага (пазней — гуманітарнага) факультэта.
З 2017 года быў рэктарам Магілёўскага дзяржаўнага ўніверсітэта імя Куляшова.
З чэрвеня 2024 года Акадэмію кіравання узначальваў экс-кіраўнік БРСМ, экс-намеснік кіраўніка Адміністрацыі Лукашэнкі, экс-намеснік міністра інфармацыі Ігар Бузоўскі.
***
Таксама сёння было некалькі прызначэнняў.
Пасаду першага намесніка міністра па падатках і зборах зойме Уладзімір Муквіч. У гэтым жа ведамстве на пасаду намесніка міністра ўзгоднена кандыдатура Вольгі Старавойтавай.
Аляксей Стасюкевіч зойме пасаду намесніка міністра прыродных рэсурсаў і аховы навакольнага асяроддзя.
На пасаду намесніка міністра прамысловасці ўзгоднены Леанід Рыжкоўскі.
Новы намеснік міністра з’явіцца і ў Міністэрстве транспарту і камунікацый. Гэтую пасаду зойме Сяргей Мацукоў.
Цяпер чытаюць
Лукашэнка: Мы гатовыя заключыць вялікую здзелку з ЗША51
Каментары