U Hrodnie ahresiŭny busieł nie davaŭ ludziam vyjści ź dziciačaj ambułatoryi VIDEA
Jak paviedamlaje Newgrodno.by, ptuška pryjšła prosta da ŭvachodu ŭ miedycynskuju ŭstanovu ŭ novym žyłym rajonie na vulicy Lidskaj. Busieł pavodziŭ siabie dziŭna — hučna klekataŭ i vyhladaŭ vielmi pahroźliva.
Z-za takich niezvyčajnych pavodzin busła naviedvalniki bajalisia vychodzić na vulicu, tamu supracoŭnikam daviałosia adčynić zapasny vychad. Usio heta trapiła na videa.
Čym skončyłasia situacyja, pakul nieviadoma, ale jość spadziavańnie, što ni ludzi, ni ptuška nie paciarpieli.
Miarkujecca, što busieł moh pryjści da ludziej pa dapamohu ci ježu. Zvyčajna da kastryčnika hetyja ptuški ŭžo adlatajuć na poŭdzień, ale hety busieł čamuści zastaŭsia ŭ Hrodnie.
Mahčyma, heta taja samaja ptuška, jakuju raniej nieadnarazova zaŭvažali ŭ roznych rajonach horada — jana hulała adna, ale ludziej da siabie nie padpuskała.
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń82
Kamientary
Alež chto jamu dapamoža ?