Havarki krumkač, jarkija paŭliny, miłyja lisicy i jašče šmat dzikich žyvioł znajšli prytułak u vioscy niepadalok ad Maładziečna
U vioscy Łasi Maładziečanskaha rajona jość arhanizacyja, u jakoj akazvajuć dapamohu dzikim ptuškam i źviaram. Kraj.by pahladzieŭ, pra kaho kłapociacca ŭ centry dapamohi dzikim žyviołam «Siryn».
Raskazvać pra siabie vałanciory nie lubiać. Dla ich kłopat pra žyvioł — heta nie pijar, a štodzionnaja praca, jakaja patrabuje sił, času i dušeŭnych pieražyvańniaŭ.
U «Siryn» traplajuć traŭmavanyja i asłablenyja žyvioły ź dzikaj pryrody, jakim akazvajuć nieabchodnuju dapamohu, lečać, reabilitujuć i viartajuć nazad u naturalnaje dla ich asiarodździe.
Niekatoryja žyvioły z-za atrymanych traŭmaŭ nie zmohuć vyžyć biez dohladu, tamu zastajucca žyć u centry.
Dla ich stvorany ŭmovy, maksimalna nabližanyja da naturalnych, kab jany adčuvali siabie kamfortna. Atmaśfiera tut adroźnivajecca ad tradycyjnych zaaparkaŭ. Žyvioły nie bajacca ludziej, achvotna iduć na kantakt.
Lisica, naprykład, prosić piaščoty ŭ dziaŭčyny, jakaja jaje dahladaje. Krumkač razmaŭlaje. Voś tolki starońnim nie daviaraje, hladzić stroha i svoj sakret nie vydaje.
Sava, vielmi padobnaja na Buklu ź viadomaha filma pra Hary Patera, uśmichajecca, pryščurvajučy mudryja vočy.
Ptušyny dvor — asablivaje karaleŭstva. Tut i indyk, i paŭliny, i lebiedź, i busieł, i indakačka z kurkami — usich nie pieraličyć
Kali indyk z-za svajoj pryrodžanaj charyzmy pałochaje vajaŭničym vyhladam, to dobraja łań ciahnie pysku, kab jaje pahładzili.
Navat straŭsy biez bojazi iduć da nieznajomca.
Supravadžaje na ekskursii kot, jaki taksama znajšoŭ prytułak u centry.
Tut šmat roznych redkich dzikich ptušak.
Jość koni i aśluk
Bolš padrabiaznuju infarmacyju i kantakty, pa jakich možna abmierkavać umovy naviedvańnia centra, hladzicie na ich sajcie.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary