Zbornaja Fareraŭ — bolš nie futbolny karlik. Jany majuć čatyry pieramohi ŭ adbory
U niadzielu zbornaja Farerskich vyspaŭ u adbory da čempijanatu śvietu pa futbole doma siensacyjna vyrvała pieramohu ŭ Čechii ź likam 2:1.
Dźvie traciny hulni byli 0:0, na 67‑j chvilinie farercy adkryli lik, potym čechi zraŭniali, ale na 81‑j chvilinie Farery znoŭ zabili — 2:1, i apošnija chviliny hieraična adbilisia.
U čaćvier jany na svaim poli razhramili Čarnahoryju — 4:0. Taksama ŭ aktyvie jość dźvie pieramohi nad Hibrałtaram (2:1: 1:0).
Navat Charvatyi zbornaja Fareraŭ prajhrała na svaim poli ź minimalnym likam 0:1, i 1:2 u haściach Čechii.
Stanovišča ŭ hrupie: Charvatyja — 16 (6 hulniaŭ), Čechija — 13 (7), Farery — 12 (7), Čarnahoryja — 6 (6), Hibrałtar — 0 (6).
Zbornaj Fareraŭ zastałosia pravieści adnu hulniu, i jany naŭrad ci trapiać u pierachodnyja matčy.
Kamanda zhulaje na vyjeździe z Charvatyjaj, tady jak Čechija doma z zusim słabym Hibrałtaram.
Zbornaja Fareraŭ składajecca ŭ asnoŭnym z futbalistaŭ, jakija hulajuć va ŭnutranym čempijanacie. Hrodzienski «Nioman» letam hulaŭ u trecim raŭndzie kvalifikacyi Lihi kanfierencyj ź ich «Kłakśvikam». U haściach biełarusy prajhrali 0:2, u Vienhryi pieramahli ŭ asnoŭny čas 2:0 i prajšli potym pa pienalci.
U suśvietnym rejtynhu zbornaja Fareraŭ na 136‑m miescy, Čarnahoryja — 80-ja, Čechija — 39-ja, a Biełaruś — 100-ja.
Biełaruś prajhrała ŭsie čatyry hulni ŭ svaim adbory, praŭda, u jaje nie było supiernikaŭ kštałtu Hibrałtara.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca8
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary
Tym bolš vyklikajuć pavahu ludzi, jakija ŭ taki čas robiać na budučyniu, što dazvalajuć siły dy ŭmieńnie. Spynicie jornictva, tut mohuć być tolki słovy padtrymki.