Błohierka Baba Niura druhi raz vyjšła zamuž — za hitarysta «Drazdoŭ»
U červieni Hanna Klincevič paviedamiła pra razvod, a ŭžo ŭ vieraśni — pra novyja zaručyny.
Papularnaść 26‑hadovaj Hańnie Klincevič prynios vobraz Baby Niury. Dziaŭčyna naradziłasia ŭ ahraharadku Traby Iŭjeŭskaha rajona Hrodzienskaj vobłaści i žyła tam da 12 hadoŭ. Ź dziacinstva lubiła rabić parodyi na viaskovych babul.
Mienavita heta i stała jaje fiškaj: choć u zvyčajnym žyćci Hanna razmaŭlaje na ruskaj movie, ale kaža, što choča źbierahčy našu kulturu i pakazać jaje sučasnaj moładzi. I dapamahaje joj u hetym vobraz viaskovaj babuli.
Letaś Hanna pieramahła ŭ dziaržaŭnym šou «Fabryka błohieraŭ». Ciapier na jaje padpisana 104 tysiačy čałaviek u instahramie i 103 tysiačy ŭ tyktoku.
Raniej jana amal ničoha nie raspaviadała pra asabistaje žyćcio. A ŭ červieni Hanna pryznałasia, što raźviałasia sa svaim pieršym mužam i ŭžo paśpieła sustreć novaje kachańnie.
Pieršym mužam Hanny byŭ dalnabojščyk. U tym šlubie naradziłasia dačka Jeva. Mienavita padčas dekretnaha adpačynku Hanna pačała zdymać videa dla sacsietak i raskručvać svoj błoh.
U intervju dziaŭčyna nie adnojčy raspaviadała: spačatku muž Ihar byŭ upeŭnieny ŭ tym, što ŭ jaje ničoha nie atrymajecca — ličyŭ, što žonka zajmajecca niejkim hłupstvam. Ale ŭ vyniku pačaŭ dapamahać joj sa zdymkami.
Tamu šmat chto z padpisčykaŭ paličyŭ, što mienavita błohierstva razburyła siamju. Hanna ž zapeŭnivaje: nie papularnaść Baby Niury stała pryčynaj razvodu.
Błohierka pačała karjeru i jak śpiavačka. Jana hastraluje z hurtom «Drazdy». Tamu nie dziŭna, što mienavita ŭ kalektyvie sustreła novaje kachańnie.
Abrańnikam Hanny staŭ hitaryst hurta «Drazdy» Raman Harbacki. U vieraśni dziaŭčyna pachvaliłasia zaručalnym piarścionkam z dyjamientam.
A ciapier para raśpisałasia ŭ ZAHSie. Na viasielli maładziony vyrašyli admovicca ad kłasičnych vobrazaŭ. Niaviesta nadzieła spadnicu midzi z vysokaj pasadkaj i błuzku, a zamiest tufiel na abcasach — biełyja čełsi. Žanich byŭ u svabodnych śvietłych štanach i kašuli z karotkim rukavom, a taksama krasoŭkach.
«Nienavidžu pied». Łukašenka zavitaŭ na viasielle. Dyk a chto ž pabraŭsia šlubam?
Śmiarotnaje tatu 21‑hadovaj dziaŭčynie z Maładziečna zrabiŭ žanich za tydzień da viasiella: padrabiaznaści trahiedyi
Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie
«Žyćcio zajhrała novymi farbami». U Homieli ŭziała šlub niezvyčajnaja para: žanichu — 91 hod, a niavieście — 72
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1616
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ16
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał22
Kamientary