Dypłamat pamior 29 červienia, jamu było 67 hadoŭ.
«Ciažka pieraacanić układ Valeryja Anatoljeviča Brylova va ŭmacavańnie handlova-ekanamičnych suviaziaŭ Biełarusi z krainami SND i Paŭdniovaj Jeŭropy — dypłamata, čyj šlach upisany ŭ historyju ajčynnaj dypłamatyi załatymi litarami. (…) Jon byŭ čałaviekam słova, ščyra zakachanym u svaju prafiesiju, i vałodaŭ dziŭnym talentam złučać mastactva i palityku», — paviedamlaje MZS.
Valeryj Bryloŭ naradziŭsia ŭ 1959 hodzie, Skončyŭ Biełaruski politechničny instytut (siońnia BNTU). Vałodaŭ sierbacharvackaj, bałharskaj i anhlijskaj movami.
Dziesiać hadoŭ pracavaŭ viadučym architektaram u instytucie «Biełdziaržprajekt». Aŭtar šerahu prajektaŭ budynkaŭ, pabudavanych u Biełarusi i za miažoj.
Pracavaŭ na dypłamatyčnych pasadach u Litvie, Bałharyi, z 1996 pa 2001 byŭ pasłom u Juhasłavii (zatym — Sierbii i Čarnahoryi), z 2001 pa 2006 hady byŭ načalnikam upraŭleńnia dvuchbakovych adnosin sa krainami SND MZS Biełarusi. U 2006—2010 hadach byŭ pasłom u Kyrhyzstanie, a zatym byŭ pasłom u Kazachstanie.
Raźvitańnie projdzie siońnia a 13‑j u rytualnaj zale na vulicy Alšeŭskaha, 12 u Minsku.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary