U Dziaržynskim rajonie na aŭkcyjonie pradajucca ruiny staroha chrama z abaviazkam nieadkładna źvieści ich sa śvietu
Pad Minskam na prodaž vystaŭleny niezvyčajny abjekt — ruiny byłoha chrama Śviatych Piatra i Paŭła ŭ vioscy Starynki Dziaržynskaha rajona, jakomu amal 200 hadoŭ. Reštki budynka, pabudavanaha jašče ŭ 1836 hodzie, zaraz płanujuć nie adnaŭlać ci kansiervavać, a całkam źnieści, piša Domovita.by.
U Dziaržynskim rajonie na adkrytyja tarhi vystaŭlenyja ruiny byłoj carkvy Śviatych Piatra i Paŭła XIX stahodździa ź niezvyčajnaj umovaj — novy ŭłaśnik pavinien nie adnaŭlać, a całkam źnieści budynak.
Aŭkcyjon arhanizavany Minskim abłasnym centram inviestycyj i pryvatyzacyi. Na prodaž vystaŭlena avaryjnaja pabudova płoščaj kala 129 kvadratnych mietraŭ u vioscy Starynki. Pačatkovaja cana składaje 3100 rubloŭ, a zadatak — 310 rubloŭ. Tarhi pryznačanyja na 31 lipienia 2026 hoda.
Sam chram byŭ pabudavany ŭ 1836 hodzie na srodki miascovaha pamieščyka Alaksandra Lenskaha. Spačatku jaho płanavali jak katalicki kaścioł, ale paśla aśviačeńnia pieratvaryli va ŭnijacki chram, a praź niekalki hadoŭ pieradali pravasłaŭnaj supolnaści. Budynak vykanany ŭ styli poźniaha kłasicyzmu z charakternymi architekturnymi elemientami — pramavuholnaj asnovaj, pilastrami i vialikimi paŭkruhłymi voknami.
Padčas Druhoj suśvietnaj vajny chram mocna paciarpieŭ i straciŭ dach. Paśla vajny jaho nie adnavili, i ź ciaham času ad budynka zastalisia tolki vonkavyja ścieny. Niahledziačy na histaryčnuju kaštoŭnaść i ŭzrost, ruiny nie atrymali statusu pomnika architektury, tamu byli pryznanyja avaryjnymi.
Umovy prodažu vyhadnyja nie dla kožnaha: pakupnik nie atrymaje ziamielny ŭčastak pad zabudovu i nie zmoža vykarystoŭvać terytoryju dla inšych metaŭ. Adzinaje, što jon atrymaje, — heta mahčymaść razabrać budynak i zabrać staruju cehłu.
Paśla nabyćcia abjekta ŭłaśnik pavinien na praciahu miesiaca atrymać dazvoł na znos u rajonnym vykankamie. Sam demantaž treba vykanać na praciahu hoda biez składanaj prajektnaj dakumientacyi. Paśla hetaha terytoryju nieabchodna rekultyvavać i pryvieści ŭ paradak, a spravazdaču pra vykananyja raboty padać u miascovy sielvykankam.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary