Na čempijanacie śvietu była blizkaja siensacyja. Zbornaja Anhlii ledź uratavałasia ad kanhalezcaŭ
Zbornaja Anhlii była vielmi blizkaja da taho, kab pakinuć čempijanat śvietu ŭžo paśla pieršaha raŭnda płej-of. U matčy suprać Demakratyčnaj Respubliki Konha kamanda Tomasa Tuchiela sastupała bolš za hadzinu, ale ŭsio ž zdoleła pierałamać chod sustrečy i pieramahčy ź likam 2:1.
Kanhalezcy pačali matč vielmi ŭpeŭniena i nie addali supierniku ni miač, ni inicyjatyvu. Užo na 7‑j chvilinie jany adkryli lik: paśla chutkaj kambinacyi Brajan Sipienha dakładna prabiŭ u bližni vuhał, a hałkipier Anhlii Džordan Pikfard nie zdoleŭ vyratavać kamandu. Dla Sipienhi heta byŭ pieršy hoł za nacyjanalnuju zbornuju.
Prapuščany miač nie prymusiŭ anhličan adrazu aktyvizavacca. Jany doŭha dziejničali pavolna, časta pamylalisia ŭ pieradačach i amal nie stvarali niebiaśpieki kala čužych varot. Tolki bližej da pierapynku zbornaja Anhlii pačała hulać bolš upeŭniena i stvaryła niekalki dobrych momantaŭ.
Adnak hałkipier DR Konha Dzimitry Mpasi-Nzo pravioŭ vydatny matč. Jon nieadnarazova ratavaŭ svaju kamandu paśla niebiaśpiečnych udaraŭ, a ŭ adnym z epizodaŭ abaronca Aaron Van-Bisaka vynies miač amal ź linii varot. Anhličanie taksama raźličvali na pienalci ŭ niekalkich sprečnych situacyjach, ale sudździa nie pryznačyŭ adzinaccacimietrovyja. U svaju čarhu kanhalezcy pierad pierapynkam mahli pavialičyć pieravahu, ale Joan Visa trapiŭ u štanhu.
U druhim tajmie Anhlija stała bolš nastojliva atakavać. Tuchiel zrabiŭ niekalki zamien, kab uzmacnić hulniu na fłanhach. Doŭhi čas Mpasi-Nzo praciahvaŭ vydatna dziejničać u varotach, ale na 75‑j chvilinie ŭsio ž kapitulavaŭ. Paśla padačy Entani Hordana Hary Kiejn vyjhraŭ baraćbu ŭ abaroncaŭ i hałavoj adpraviŭ miač u sietku.
Paśla hetaha anhličanie praciahnuli cisk i na 86‑j chvilinie vyrvali pieramohu. Džud Bielinhiem pačaŭ ataku, Hordan padabraŭ miač i addaŭ pieradaču Kiejnu. Forvard u atačeńni troch supiernikaŭ zdoleŭ palepšyć pazicyju i mocnym udaram pad pierakładzinu aformiŭ dubl.
U kancy sustrečy zbornaja DR Konha ŭžo nie zmahła arhanizavać paŭnavartasny adkaz, choć i atrymała prava prabić niebiaśpiečny štrafny ŭ kampiensavany čas.
Statystyka matča śviedčyć pra pieravahu Anhlii: 16 udaraŭ pa varotach suprać 7, siem udaraŭ u stvor suprać dvuch, a taksama vyšejšy pakazčyk čakanych hałoŭ. Tym nie mienš zbornaja DR Konha praviała vielmi hodny matč, prymusiła adnaho z favarytaŭ turniru zmahacca da apošnich chvilin i zasłužyła pavahu svajoj śmiełaj hulnioj.
U nastupnym raŭndzie anhličanie sustrenucca sa zbornaj Mieksiki — adnoj z troch haspadyń hetaha čempijanatu.
Na čempijanacie śvietu źjaviłasia novaja lubimaja fanatka. Usie šalejuć ad zaŭziatarki zbornaj Parahvaja ŠMAT FOTA
Francyja ŭstanaviła rekord čempijanataŭ śvietu! Ale heta drenny znak
Francuzy ŭ 1/16 finału nie pakinuli nijakich šancaŭ šviedam
Zbornaja Narviehii prajšła Kot dJIvuar dziakujučy piatamu hołu Chołanda
Niderłandy — fienomien čempijanataŭ śvietu. 16 hadoŭ biez paražeńniaŭ — i nivodnaha finału
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu7
Kamientary
Mieksikancy, biezumoŭna, vielmi pryhožaja kamanda, udała spałučaje łacinamierykanski futboł ź jeŭrapiejskim, z vysokim indyvidualnym majsterstvam usich futbalistaŭ i dobraj kamandnaj hulnioj. Adnak liču, što šancy tam 50 ch 50 ...