Školnik u Minsku spałochaŭsia machlaroŭ i vynies usie hrošy z doma
Školnik, jaki staŭ achviaraj machlaroŭ, źviarnuŭsia ŭ milicyju sam, piša haradskaja milicyja.
Padletku ŭ miesiendžary patelefanavaŭ nibyta pradstaŭnik apieratara sotavaj suviazi. Surazmoŭca paviedamiŭ, što na imia chłopca nieviadomyja aformili rasterminoŭku, a taksama aktyvavali pieranakiravańnie jaho numara.
«Dalej razmovu praciahnuŭ iłžepravaachoŭnik, jaki papiaredziŭ, što asabistymi danymi chłopca skarystalisia machlary. Jon pahražaŭ, što ŭ kvatery, dzie padletak žyvie z baćkami, adbudziecca vobysk, buduć kanfiskavanyja ŭsie najaŭnyja, tamu ich nieabchodna nieadkładna zadekłaravać», — raspaviali ŭ milicyi
Školnik surjozna spałochaŭsia, sabraŭ usie hrošy i vynies z kvatery bolš za 17 tys rubloŭ. Sumu treba było pakinuć u niezvyčajnym miescy — za kantejnierami dla śmiećcia
Syščyki paśpieli vyznačyć asoby kurjeraŭ, jakija zabrali hrošy. Imi akazalisia dvoje minčan (27 i 43 hady). Sa słoŭ zatrymanych, jany śviadoma supracoŭničali z machlarami, kab padzarabić. Viadoma, što sabie kurjery pakinuli $1000. Astatniaje pieradali 41-hadovaj minčancy, jakuju taksama zatrymali apieratyŭniki.
U milicyi nahadali baćkam pra nieabchodnaść raspaviadać dzieciam pra pahrozu machlarstva.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary