Jak źmianilisia nastroi ŭ biełaruskim hramadstvie za apošnija hady i što ludzi nasamreč dumajuć pra režym Łukašenki? Pra heta ŭ novym vypusku sumiesnaj prahramy «Banku idej» i Jeŭraradyjo razvažaje sacyjołah Hienadź Koršunaŭ.
Pavodle sacyjołaha, apošniaje daśledavańnie, vyniki jakoha prezientujuć u listapadzie, pakazała hałoŭnuju źmienu: u paraŭnańni z krasavikom 2022 hoda strach pierad vajnoj u hramadstvie źniziŭsia amal u dva razy. Na pieršyja miescy vyjšli tradycyjnyja prablemy — ekanomika i biaśpieka.
«Z adnaho boku, ludzi kažuć: «Vielmi dobra, što na vulicy niama kryminału, vielmi dobra, što my nie ŭvajšli ŭ vajnu, ale na hetym jak by pražyć davoli ciažka. Tamu davajcie pahladzim, što ŭ nas tam z cenami — utrymlivaj ich, nie ŭtrymlivaj… — što ŭ nas z zarobkami». I hetak dalej», — tłumačyć Koršunaŭ.
Jašče adzin krasamoŭny vynik apytańnia — adčuvańnie pahrozy ad ułasnaj dziaržavy.
«U 2024‑m hodzie było fajnaje daśledavańnie, i adna ź ličbaŭ [heta] toje, što amal pałova kaža: «Nu, nasamreč vielmi niespakojna. Ale nie na vulicy, a niespakojna ad našaj dziaržavy».
Koršunaŭ tłumačyć:
«To-bok naša dziaržava svaim hramadstvam usprymajecca jak pahroza. Heta nonsens. (…) Ja b kazaŭ, što režym usprymajecca prynamsi častkaj hramadstva jak akupacyjny, nakolki heta pasuje ci nie pasuje dla tradycyjnaha navukovaha razumieńnia hetaha fienomienu».
Koršunaŭ dadaŭ, što pytańnie biaśpieki respandenty ŭsich uzrostavych hrup nazyvali jak adnu z hałoŭnych zadač dziaržavy. Pry hetym najbolš uvahi jamu nadała mienavita moładź.
Hienadź Koršunaŭ — heta były dyrektar Instytuta sacyjałohii Akademii navuk, jakoha zvolnili ŭ 2020 hodzie za toje, što jon ahučyŭ realnyja ličby padtrymki Alaksandra Łukašenki.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary
A kali było pa inšamu ŭ krainie jakaja pracuje na maskoŭskaj movie na azijackich ( dziaržaŭnych ) naratyvach ? pačynajcie ŭ chacie na rodnaj movie razmaŭlać i dziaržava źmienicca