Viačorka: Ofis Cichanoŭskaj pierajedzie ŭ Polšču? Nie chacieŭ by śpiekulavać na hetuju temu
U Ofisie Śviatłany Cichanoŭskaj pakul nie paćviardžajuć namier pierajechać u Polšču paśla panižeńnia ŭzroŭniu achovy ŭ Litvie, piša Rzeczpospolita.
Daradca Śviatłany Cichanoŭskaj Franak Viačorka adkazaŭ na pytańnie, ci źbirajecca Ofis pierabiracca ŭ Polšču.
«Pakul my pavinny razabracca ŭ situacyi ŭ Vilni. Nie chacieŭ by śpiekulavać na hetuju temu», — adznačyŭ Viačorka.
Daradca Cichanoŭskaj raskazaŭ, što rašeńnie litoŭskich uładaŭ panizić status achovy stała dla ŭsich niečakanaściu.
«My nie čakali rašeńnia ab źnižeńni ŭzroŭniu achovy. Heta niepasredna ŭpłyvaje na funkcyjanavańnie ŭsiaho Ofisa. My nie možam hetaha zrazumieć. Ništo nie śviedčyć pra toje, što ryzyka źmienšyłasia, naadvarot — my atrymlivajem pahrozy, jość sproby sačeńnia, a nieznajomyja ludzi niekalki razoŭ sprabavali praniknuć u ofis.
My znachodzimsia pad prycełam śpiecsłužbaŭ Łukašenki. Dziakujučy Litvie i jaje słužbam na praciahu piaci hadoŭ u nas nie było nivodnaha surjoznaha incydentu. My zaniepakojenyja biaśpiekaj našaj kamandy», — skazaŭ Viačorka.
Jon dadaŭ, što ŭłady nie dali kamandzie Cichanoŭskaj času na adaptacyju.
«Rašeńnie stała dla nas niečakanaściu, i nam nie dali času na adaptacyju. My čakajem padrabiaznaj infarmacyi ad litoŭskaha boku, na asnovie jakoj budziem prymać rašeńni adnosna dalejšych dziejańniaŭ. Jak by tam ni było, my jość i budziem zaŭsiody ŭdziačnyja Litvie», — zapeŭniŭ Viačorka.
Tym časam polski ŭrad nie paćvierdziŭ infarmacyju pra toje, što rychtujecca pierajezd ofisa ŭ Polšču.
Litoŭski deputat: Ofis Cichanoŭskaj pracuje nie za litoŭski košt, my ŭsiaho tolki zabiaśpiečvali achovu
Litva źniziła ŭzrovień fizičnaj achovy Śviatłany Cichanoŭskaj
U Ofisie Cichanoŭskaj prakamientavali rašeńnie źnizić uzrovień jaje fizičnaj achovy ŭ Litvie
Były kiraŭnik MZS Litvy raskrytykavaŭ panižeńnie ŭzroŭniu achovy Cichanoŭskaj
Premjer-ministr Litvy: Uzrovień achovy Cichanoŭskaj skarekciravany z ulikam uzroŭniu pahroz
Praca fizičnaha ofisa Cichanoŭskaj u Vilni časova prypyniena
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary