Litoŭski deputat: Ofis Cichanoŭskaj pracuje nie za litoŭski košt, my ŭsiaho tolki zabiaśpiečvali achovu
Deputat Siejma Litvy Tomas Tamilinas raskrytykavaŭ u fejsbuku rašeńnie ŭładaŭ krainy ab panižeńni ŭzroŭniu achovy Śviatłany Cichanoŭskaj. Palityk nazvaŭ heta «strełam u nahu», piša «Radyjo Svaboda».
«Paddacca papulisckamu cisku i spynić achovu lidarki biełaruskaha apazicyjnaha ruchu Śviatłany Cichanoŭskaj praz Departamient biaśpieki biez papiaredžańnia — heta žudasnaja pamyłka źniešniaj palityki, źniščeńnie pracy, zroblenaj usimi ŭradami z 2020 hoda. Usio skončycca tym, što ofis adjedzie ŭ Varšavu…», — napisaŭ Tomas Tamilinas.
Na jaho dumku, źnižajučy status Cichanoŭskaj, Litva nabližaje jaje da zvyčajnych niaŭradavych arhanizacyj, takich, jakija jość u Vilni ŭ rasijan.
«Kali ŭ nas nie budzie Śviatłany, a jana budzie ŭ palakaŭ, to zamiežnyja stalicy nie buduć źviartać na nas stolki ŭvahi», — pierakanany palityk.
«Vilnia stała značna bolš upłyvovaj stalicaj tamu, što tut pracavaŭ ofis Śviatłany, tamu heta streł u nahu. Darečy, ofis pracuje nie za naš košt, my płacili tolki za achovu. Soramna», — zajaviŭ Tamilinas.
Pra toje, što Litva pryniała rašeńnie skaracić achovu lidarki biełaruskaj apazicyi, u aŭtorak paviedamiŭ partał LRT.lt.
Pavodle krynic partała, achova Cichanoŭskaj i spadarožnyja atrybuty abychodziacca dziaržavie prykładna ŭ 1 miljon jeŭra na hod: mierkavana, u hetuju sumu ŭvachodzić kruhłasutačnaja fizičnaja achova ŭ Litvie i za miažoj, aŭtamabili dla achovy, utrymańnie miesca žycharstva, vykarystańnie VIP-terminałaŭ u aeraportach.
Litva źniziła ŭzrovień fizičnaj achovy Śviatłany Cichanoŭskaj
U Ofisie Cichanoŭskaj prakamientavali rašeńnie źnizić uzrovień jaje fizičnaj achovy ŭ Litvie
Były kiraŭnik MZS Litvy raskrytykavaŭ panižeńnie ŭzroŭniu achovy Cichanoŭskaj
Premjer-ministr Litvy: Uzrovień achovy Cichanoŭskaj skarekciravany z ulikam uzroŭniu pahroz
Praca fizičnaha ofisa Cichanoŭskaj u Vilni časova prypyniena
Kamientary