Były kiraŭnik MZS Litvy raskrytykavaŭ panižeńnie ŭzroŭniu achovy Cichanoŭskaj
Były ministr zamiežnych spraŭ Litvy Habryelus Łandśbierhis aburyŭsia «fundamientalnym adstupleńniem Litvy ad ułasnych demakratyčnych pryncypaŭ». Padstavaj stała rašeńnie ŭładaŭ Litvy źmianić status Śviatłany Cichanoŭskaj jak hości dziaržavy i źmienšyć uzrovień jaje achovy. Łandśbierhis ličyć, što, pa sutnaści, lidarku biełaruskaj apazicyi vymušajuć pakinuć Litvu.
Niadaŭnija kroki Litvy suprać lidarki biełaruskaj apazicyi Śviatłany Cichanoŭskaj, palityk ličyć śviedčańniem radykalnych źmien u kirunku Litvy.
«Hetaja sałominka moža złamać chrybiet viarbludu, razburajučy toje, što Litva adstojvała z momantu adnaŭleńnia niezaležnaści».
Jon padkreślivaje, što havorka idzie nie tolki pra los asobnaha palityka, a pra «fundamientalnaje padryvańnie našych dasiahnieńniaŭ» i straty «ciažka zaroblenaj reputacyi zmaharoŭ za svabodu».
Cichanoŭskaja, na dumku Łandśbierhisa, — nie prosta eks-kandydatka na pasadu prezidenta Biełarusi, a «žyvoje ŭvasableńnie demakratyi», jakaja, niahledziačy na represii i vyhnańnie, «niastomna zmahałasia za hodnaść biełaruskaha naroda».
«Śviatłana niastomna zmahałasia za hodnaść biełaruskaha naroda, pierakonvajučy zachodnich lidaraŭ uvieści sankcyi suprać karumpavanaha režymu i prapanoŭvajučy realnuju alternatyvu, budučy palityčny vybar dla biełaruskaha naroda. Jana była napaminam, što nivodnaja kraina nie asudžana na kiravańnie dyktataram. Jana stajała bastyjonam suprać žadańniaŭ Zachadu źniać sankcyi, pačać prymireńnie i prapanavać ucichamirvańnie dyktataram. Ja mieŭ vialiki honar dapamahać joj u jaje baraćbie. Na praciahu piaci hadoŭ jana była žyvym, dychajučym simvałam demakratyi, i bolš za ŭsio mianie natchniała jaje dapamoha ŭ pieraŭtvareńni Vilni ŭ suśvietna viadomuju stalicu supracivu aŭtarytaryzmu», — napisaŭ jon.
Łandśbierhis kaža, što kaštoŭnasnaja palityka — nie rytaryčny štamp, a «palityka inviestavańnia ŭ budučyniu», asabliva važnaja dla «małoj krainy na miažy cyvilizacyjnych razłomaŭ».
Jon vykazvaje zakłapočanaść, što, straciŭšy Cichanoŭskuju jak sajuźnicu i simvał, Litva hublaje i mahčymaść być maralnym aŭtarytetam na mižnarodnaj arenie.
«Straciŭšy jaje, maja kraina hublaje važnaha partniora ŭ baraćbie za demakratyju, hublaje bačnaść u supraćstajańni tyranam, hublaje siłu hołasu, nieabchodnuju dla mienšaj krainy, kab abaranić svaje nacyjanalnyja intaresy ŭ śviecie, dzie kirujuć realisty», — piša jon.
Palityk kaža, što jon zasmučany tym, što Litva bolš nie moža ličycca nadziejnym partnioram dla ludziej, jakija šukajuć prytułku ad tyranii.
«Pryčyny, jakija stajać za hetym rašeńniem, zastajucca niezrazumiełymi, ale vidavočna, što hałoŭnym bienieficyjaram źjaŭlajecca Łukašenka — vymusić Śviatłanu syści, spadziejučysia prymusić jaje zamaŭčać, staviačy pad sumnieŭ jaje lehitymnaść, — heta mienavita toje, pra što jon maryŭ doŭhi čas. Ciapierašni litoŭski ŭrad, asabliva jaho bolš radykalnyja elemienty, zaŭsiody chacieŭ viarnucca da zvyčajnaha viadzieńnia spraŭ ź biełaruskim dyktataram», — piša jon.
Palityk bačyć u hetym nie tolki palityčnuju, ale i maralnuju katastrofu: «Straciŭšy maralny hrunt, hołas Litvy budzie mienš canicca i mienš šanavacca ŭ śviecie». U hetym kantekście zhadvajecca Vienhryja i Słavakija jak prykłady krain, što addali hołas realizmu na škodu kaštoŭnaściam.
«Mnie sumna, što my rujnujem nadziei, jakija sami ž naradzili. Ja prašu prabačeńnia va ŭsich tych, kamu my dali prytułak, ale potym nie zmahli abaranić», — piša Łandśbierhis.
Palityk piša, što «vykidvajučy» Cichanoŭskuju, Litva robić śviet bolš niebiaśpiečnym dla siabie:
«Śviet nie stanovicca bolš biaśpiečnym, asabliva nie dla Litvy. Ja paŭtaru — u śviecie Pucina i Łukašenki niama miesca dla Litvy, ci dla luboj małoj krainy. Vykidvajučy Śviatłanu, Litva dapamahaje stvaryć hety śviet».
-
«Manueła Łukašenka». U Hiermanii kiraŭnicu rehijona abrazili paraŭnańniem ź biełaruskim dyktataram
-
ZŠA vypadkova departavali mieksikanca, jakoha padazrajuć u najbujniejšym rabavańni kaštoŭnaściej u historyi krainy
-
U «Domie volnaj Biełarusi» ŭ Lvovie ŭšanavali pamiać Michaiła Žyźnieŭskaha. Tam ciapier zachoŭvajecca i pomnik hieroju
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi8
Kamientary
Dziakuj takim siabram Biełarusi!
Kali jašče pahladzieć JAK heta było zroblena, to padstaŭ tak mierkavać źjaŭlajecca jašče bolš.
Tak, treba ŭličvać partyjnuju baraćbu i hetak dalej.
Ale treba jašče vučycca čytać pamiž radkoŭ i viedać troški etykiet.
Kali haspadar biez papiaredžańnia zabiraje ŭ vas ciepłaje pokryva, to heta byccam niejki namiek, nie? Ci vy praciahniecie siadzieć, pakul vas litaralna nie vypinajuć z chaty?