Stała viadoma, jak vyhladaje Machamied Aldasary — zahadkavy novy kiraŭnik Pryjorbanka
Pres-słužba vykuplenaha łukašenkaŭskimi «biznesmienami ŭdačy» Pryjorbanka apublikavała fota ź vizitu novaha staršyni praŭleńnia Machamieda Abduły Machamied Ali Aldasary ŭ stratny kałhas, jaki naležyć finansavaj ustanovie. U kampanii siarod čynoŭnikaŭ Kapylskaha rajvykankama možna dobra razhladzieć čałavieka, jaki pryjšoŭ na miesca znakamitaha bankira Siarhieja Kaściučenki.
«Staršynia praŭleńnia Pryjorbanka Machamied Aldasary sumiesna z namieśnikami staršyni praŭleńnia i kiraŭnikami klučavych kirunkaŭ ździejśniŭ pracoŭny vizit u filijał «Łaknieja» UP PryjortransAhra — adno z daččynych sielskahaspadarčych pradpryjemstvaŭ, jakoje bank padtrymlivaje ciaham mnohich hadoŭ. […] U pracesie vizitu kiraŭniki acanili vyniki, jakija pradpryjemstva zdoleła dasiahnuć z dapamohaj banka, abmierkavali pierśpiektyvy dalejšaha raźvićcia, a taksama sustrelisia sa staršynioj Kapylskaha rajvykankama», — paviedamlaje sajt Pryjorbanka.
Da taho, u kancy 2024-ha, bank cieraz emirackuju prakładku byŭ pradadzieny aŭstryjcami, jak ličycca, blizkamu da Łukašenki «biznesmienu ŭdačy» Mikałaju Varabju.
Bank byŭ pradadzieny z dyskontam 800 miljonaŭ jeŭra da realnaj cany. Delta pamiž realnaj canoj i canoj uhody stała prybytkam nabližanych da Łukašenki asob.
Čytajcie padrabiaznaści schiemy: Kupić miljard za €230 miljonaŭ. Prodaž Pryjorbanka azałaciŭ biznesmienaŭ udačy pry Łukašenku
Bijahrafija Machamieda Aldasary ćmianaja i niedakładnaja.
Padčas jaho pryznačeńnia pres-słužba banka, nie pryvodziačy nivodnaj nazvy ci kankretnaha prykłada adznačyła, što novy kiraŭnik maje 26‑hadovy dośvied raboty ŭ bankaŭskaj śfiery, što jon byŭ kiraŭnikom u viadučych finansavych ustanovach AAE, «zajmaŭsia pabudovaj novych finansavych kampanij, realizacyjaj inicyjatyŭ ličbavych transfarmacyj, raspracoŭkaj invavacyjnych bankaŭskich praduktaŭ».
Na sajcie Pryjorbanka pryznajuć, što Aldasary nie maje finansavaj adukacyi, a źjaŭlajecca bakałaŭram dziełavoha administravańnia ŭniviersiteta Atłanty (ZŠA).
***
Pryjorbank — samy bujny pryvatny bank Biełarusi, zasnavany ŭ 1989 hodzie. U 2002 hodzie ŭ kapitał banka ŭvajšoŭ aŭstryjski Rajfajzen. Šmathadovy kiraŭnik banka Siarhiej Kaściučenka byŭ zatrymany ŭ sakaviku 2022-ha, asudžany da 3,5 hadoŭ kałonii za ŭchileńnie ad padatkaŭ. Paśla pamiłavańnia emihravaŭ.
Čytajcie padrabiaźniej: Šok u bankach: Siarhieju Kaściučenku, stvaralniku Pryjorbanka, dali try z pałovaj hady kałonii. Datyčny Baskaŭ?
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?13
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
Pracavaŭ u kamiercyjnych bankach u Abu-Dabi (Al-Chiłał bolšaść), zajmaŭsia rytejłam. Maje kampaniju ŭ Šardžy, jakaja vypuskaje isłamskija karty, i vyhladaje jak typovy abmieńnik. Taksama paru rytejłavych biznesaŭ kštałtu telefonnych kijoskaŭ.
Mabyuć załaty telefon pradaŭ tamu, chto prakładku stvaraŭ.
Idealny zic-staršynia