ZŠA ŭžo niekalki miesiacaŭ dapamahajuć Ukrainie atakavać rasijskija NPZ
ZŠA ź leta dapamahajuć Ukrainie nanosić udary pa rasijskich naftapierapracoŭčych zavodach. Jak paviedamlaje Financial Times, amierykanskaja raźviedka pieradaje Ukrainie infarmacyju, jakaja dapamahaje płanavać ataki na enierhietyčnyja abjekty Rasii. Meta — asłabić rasijskuju ekanomiku i prymusić prezidenta Uładzimira Pucina sieści za stoł pieramoŭ.
Pavodle krynic vydańnia, rašeńnie padtrymlivać takija dziejańni było pryniata paśla telefonnaj razmovy pamiž Donaldam Trampam i Uładzimiram Zialenskim u lipieni. Tramp vykazaŭ padtrymku stratehii, jakaja pavinna «prymusić Rasiju adčuć bol» i schilić Kreml da miru.
Amierykanskija śpiecyjalisty ŭdzielničajuć u płanavańni apieracyj — dapamahajuć ukrainskim vajskoŭcam vyznačać maršruty i vyšyniu palotu dronaŭ, kab jany mahli abychodzić rasijskuju supraćpavietranuju abaronu. Pry hetym Ukraina sama vybiraje kankretnyja celi, a ZŠA dajuć danyja pra ich słabyja miescy.
Sa žniŭnia ŭdary pa rasijskich naftapierapracoŭčych i hazavych pradpryjemstvach značna ŭzmacnilisia. Pavodle padlikaŭ Bloomberg, ataki zakranuli prykładna kožny treci zavod. U vyniku ŭ žniŭni i vieraśni mnohija pradpryjemstvy spyniali pracu, što pryviało da istotnaha źnižeńnia abjomaŭ pierapracoŭki nafty.
U kastryčniku pad udary trapili niekalki bujnych zavodaŭ — u Ciumienskaj, Arenburhskaj, Leninhradskaj, Jarasłaŭskaj abłaściach, Krasnadarskim krai, Baškartastanie. Vypracoŭka paliva ŭ Rasii ŭpała da minimalnaha ŭzroŭniu za apošnija piać hadoŭ.
Hetyja ataki vyklikali rost cenaŭ na bienzin: u vieraśni jany pavialičylisia amal na 2,6%, što stała maksimumam z 2018 hoda. U paraŭnańni ź minułym hodam rost skłaŭ bolš za 12%.
Z-za deficytu paliva Rasija była vymušana skaracić ekspart, pavialičyć zakupki ŭ Biełarusi i pačać impart z Kitaja i inšych azijackich krain. U 57 rehijonach krainy źjavilisia čerhi na zapraŭkach i abmiežavańni na prodaž bienzinu.
Ukrainskija bieśpiłotniki ŭdaryli pa NPZ va Ufie
Piekła ŭ Rasii: udary pa naftapierapracoŭcy pahłyblajuć paliŭny kryzis i mianiajuć ujaŭleńni Trampa pra pierśpiektyvy Ukrainy
Łukašenku na ruku, što Ukraina bje pa rasijskich NPZ? Što heta pryniasie Biełarusi
Drony atakavali naftapierapracoŭčy zavod i čyhunku ŭ Leninhradskaj vobłaści — hruzavy ciahnik syšoŭ z rejek
Kamientary