ЗША з лета дапамагаюць Украіне наносіць удары па расійскіх нафтаперапрацоўчых заводах. Як паведамляе Financial Times, амерыканская разведка перадае Украіне інфармацыю, якая дапамагае планаваць атакі на энергетычныя аб’екты Расіі. Мэта — аслабіць расійскую эканоміку і прымусіць прэзідэнта Уладзіміра Пуціна сесці за стол перамоў.
Паводле крыніц выдання, рашэнне падтрымліваць такія дзеянні было прынята пасля тэлефоннай размовы паміж Дональдам Трампам і Уладзімірам Зяленскім у ліпені. Трамп выказаў падтрымку стратэгіі, якая павінна «прымусіць Расію адчуць боль» і схіліць Крэмль да міру.
Амерыканскія спецыялісты ўдзельнічаюць у планаванні аперацый — дапамагаюць украінскім вайскоўцам вызначаць маршруты і вышыню палёту дронаў, каб яны маглі абыходзіць расійскую супрацьпаветраную абарону. Пры гэтым Украіна сама выбірае канкрэтныя цэлі, а ЗША даюць даныя пра іх слабыя месцы.
Са жніўня ўдары па расійскіх нафтаперапрацоўчых і газавых прадпрыемствах значна ўзмацніліся. Паводле падлікаў Bloomberg, атакі закранулі прыкладна кожны трэці завод. У выніку ў жніўні і верасні многія прадпрыемствы спынялі працу, што прывяло да істотнага зніжэння аб’ёмаў перапрацоўкі нафты.
У кастрычніку пад удары трапілі некалькі буйных заводаў — у Цюменскай, Арэнбургскай, Ленінградскай, Яраслаўскай абласцях, Краснадарскім краі, Башкартастане. Выпрацоўка паліва ў Расіі ўпала да мінімальнага ўзроўню за апошнія пяць гадоў.
Гэтыя атакі выклікалі рост цэнаў на бензін: у верасні яны павялічыліся амаль на 2,6%, што стала максімумам з 2018 года. У параўнанні з мінулым годам рост склаў больш за 12%.
З-за дэфіцыту паліва Расія была вымушана скараціць экспарт, павялічыць закупкі ў Беларусі і пачаць імпарт з Кітая і іншых азіяцкіх краін. У 57 рэгіёнах краіны з’явіліся чэргі на запраўках і абмежаванні на продаж бензіну.
Украінскія беспілотнікі ўдарылі па НПЗ ва Уфе
Пекла ў Расіі: удары па нафтаперапрацоўцы паглыбляюць паліўны крызіс і мяняюць уяўленні Трампа пра перспектывы Украіны
Лукашэнку на руку, што Украіна б'е па расійскіх НПЗ? Што гэта прынясе Беларусі
Дроны атакавалі нафтаперапрацоўчы завод і чыгунку ў Ленінградскай вобласці — грузавы цягнік сышоў з рэек
Цяпер чытаюць
Расійская блогерка-мільённіца, якая зганьбілася з беларускай мовай, запісала відэа з тлумачэннямі — але так і не выбачылася30
Каментары