Kaniec epochi: MTV zhortvaje viaščańnie svaich kanałaŭ pa ŭsioj Jeŭropie
Tematyčnyja kanały lehiendarnaha MTV źniknuć u šmatlikich krainach užo chutka.
Kampanija Paramount zhortvaje viaščańnie cełaj liniejki kanałaŭ MTV pa ŭsioj Jeŭropie.
Paśla 31 śniežnia 2025 hoda ŭ Vialikabrytanii pierastanuć pakazvać TV Music, MTV 80s, MTV 90s, Club MTV i MTV Live. Praciahnie viaščańnie tolki fłahmanski MTV HD, jaki ŭžo daŭno skancentravaŭsia na realici-šou, a nie na muzycy.
Taki ž los čakaje hledačoŭ nie tolki ŭ Vialikabrytanii. Tematyčnyja kanały MTV pierastanuć pakazvać u Aŭstryi, Bielhii, Vienhryi, Hiermanii, Luksiemburhu, Niderłandach i Polščy, piša Broadband TV News.
U Paramount pakul nijak nie prakamientavali paviedamleńni ab spynieńni viaščańnia, ale pradstaŭniki apierataraŭ jeŭrapiejskich televizijnych płatformaŭ paćvierdzili hetuju infarmacyju.
U paviedamleńni ab zakryćci piaci kanałaŭ MTV havorycca, što hety krok adlustroŭvaje źmianieńnie zvyčak hledačoŭ. U kampanii zaŭvažyli, što muzyčnyja klipy ludzi ciapier u asnoŭnym hladziać na YouTube i ŭ sacyjalnych sietkach, a nie pa telebačańni, paviedamlaje Bi-bi-si.
Viaščańnie kanałaŭ MTV źbirajucca zharnuć nie tolki ŭ Jeŭropie, ale i ŭ Brazilii i Aŭstralii. Miedyjachołdynh kazaŭ pra płany skaracić vydatki pa ŭsim śviecie na 500 miljonaŭ dołaraŭ.
Telekanał MTV źjaviŭsia ŭ ZŠA ŭ 1981 hodzie i staŭ kultavym dla mnohich pakaleńniaŭ hledačoŭ pa ŭsim śviecie.
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary