Błohier paraŭnaŭ košt adpačynku ŭ sanatoryi «Radon» z pajezdkaj na kitajski vostraŭ Chajnań — i byŭ šakavany
Biełaruski błohier apublikavaŭ videa, u jakim paraŭnaŭ košt adpačynku ŭ papularnym sanatoryi «Radon» u Dziatłaŭskim rajonie z padarožžam na kitajski vostraŭ Chajnań. Vynik ździviŭ mnohich: atrymlivajecca, tańniej palacieć na inšy kaniec śvietu, čym pravieści dva tydni ŭ biełaruskaj zdraŭnicy, zaŭvažyła BG.Media.
U videa mužčyna ździŭlajecca, što pražyvańnie i charčavańnie ŭ sanatoryi kaštuje 218 rubloŭ u dzień na čałavieka — i heta bieź lačeńnia ci luksa. Za dva tydni atrymlivajecca kala 2 150 dalaraŭ. A pucioŭka na Chajnań na dvaich — ź pieralotam i hatelem — kaštuje 2 400—2 600 dalaraŭ.
U druhim videa błohier pakazvaje biełaruskuju ahrasiadzibu, dzie cana za noč — 2 420 rubloŭ. Jon zadajecca pytańniem:
«Chto moža sabie takoje dazvolić? Navat kali b u mianie byli hetyja hrošy — ja b tudy nie pajechaŭ».
U sacsietkach ludzi aktyŭna abmiarkoŭvajuć hetuju temu. Adnyja aburajucca, što sanatoryi sapraŭdy stanoviacca niedastupnymi dla zvyčajnych biełarusaŭ ź piensijaj 600 rubloŭ. Inšyja adznačajuć, što, niahledziačy na vysokija ceny, miescaŭ u papularnych sanatoryjach usio adno nie chapaje.
Pry hetym ceny va ŭstanovach Bresckaj vobłaści paćviardžajuć tendencyju: dvuchtydniovy adpačynak u sanatoryjach «Biareście», «Ružanski» ci «Soniečny» pad Brestam kaštuje ad 650 da 900 dalaraŭ na čałavieka. Najbolš dastupny varyjant — «Nadzieja» ŭ Žabinkaŭskim rajonie — ad 1 352 rubloŭ za dva tydni.
Takim čynam, biełaruskija sanatoryi ŭsio čaściej aryjentujucca nie na miascovaje nasielnictva, a na zamiežnych klijentaŭ, pieradusim z Rasii. I na hetym fonie adpačynak za miažoj dla biełarusaŭ moža vyhladać nie takim užo i darahim.
Ź listapada «Biełavija» budzie latać na Chajnań dva razy na tydzień
Kolki budzie kaštavać adpačynak na kitajskim vostravie Chajnań, kudy možna budzie dalacieć pramym rejsam ź Minska
«Zamiest 11 dzion adpačynku atrymałasia siem». Turystka raskazała pra padvodnyja kamiani raschvalenaha adpačynku ŭ Kitai
Ciapier čytajuć
Palitołah Alina Charysava pahadziłasia supracoŭničać z SBU. Akazałasia, heta byŭ KDB54
Kamientary