«Zamiest 11 dzion adpačynku atrymałasia siem». Turystka raskazała pra padvodnyja kamiani raschvalenaha adpačynku ŭ Kitai

U listapadzie ŭ Śniažany dzień naradžeńnia, i jana płanavała adznačyć jaho ŭ ciopłaj krainie. Ideju źlotać na Chajnań biełaruska ŭspryniała z entuzijazmam: jana čuła šmat dobrych vodhukaŭ pra hety vostraŭ.

Prapanavany turahientam varyjant pa raźmiaščeńni i pieralotu Śniažanu z mužam całkam zadavoliŭ. Dla sužoncaŭ znajšli piacizorkavy hatel sa śniadankami — śviežych vodhukaŭ pra jaho było niašmat, ale staryja byli dobrymi.

Vylet płanavaŭsia 9 listapada. Dziesiać načej biełarusy pavinny byli pravieści na samim vostravie i adnu noč — niedaloka ad aeraporta Chančžou, praź jaki jany lacieli nazad. Ahulny košt tura byŭ zajaŭleny 1829 dalaraŭ (biez uliku tranśfieru ŭ Maskvu).

«Da pieralotu ź pierasadkami my byli hatovyja, bo pramych rejsaŭ na vostraŭ pakul niama. Kab dabracca da Chajnania, my mielisia lacieć tak: Minsk — Maskva, Maskva — Cindaa, Cindaa — Sańja. Atrymlivałasia kala paŭtara sutak u darozie, ale potym jašče dziesiać dzion adpačynku. Nas usio zadavoliła».

Muž i žonka zapłanavali adpačynak i stali čakać vyletu. Ale za try dni da startu turahientka paviedamiła, što rejs admianiajecca.

«Nam prapanavali dva varyjanty. Pierasadka na inšy rejs i skaračeńnie času adpačynku na niekalki dzion (z kampiensacyjaj za niavykarystanyja nočy ŭ hatelach) abo poŭnaje viartańnie hrošaj za tur, ale na praciahu 90 dzion.

Navina dla nas akazałasia vielmi niepryjemnaj. Pa-pieršaje, my samastojna ŭžo kupili kvitki da Maskvy ŭ «Aerafłota» i pamianiać ich možna było tolki z dapłataj 200 dalaraŭ. Pa-druhoje, hrošy za tur my mahli atrymać tolki na praciahu 90 dzion, a heta aznačała, što naš adpačynak zryvajecca.

Prystojna paniervavaŭšysia, my vyrašyli ŭsio ž taki palacieć na mienšuju kolkaść dzion. U vyniku turysty vylecieli paźniej i amal dvoje sutak praviali ŭ darozie. I pieršy paŭnavartasny dzień adpačynku ŭ ich pajšoŭ na toje, kab vyspacca paśla pakutlivaha pieralotu.

«U suchoj rešcie ŭ nas atrymałasia ŭsiaho siem dzion adpačynku zamiest pieršapačatkovych 11, bo nazad vylet byŭ rańni — i hety dzień taksama vypaŭ.

Jakuju vysnovu ja zrabiła? Płanujučy adpačynak na Chajnani, uličvajcie, što čartarnych rejsaŭ ciapier niama. Turapieratary kuplajuć asobna avijakvitki na rehularnyja rejsy i asobna branirujuć hateli. Nichto nie moža dać harantyj, što vy prylacicie ŭ tyja daty, na jakija zapłanavali adpačynak.

Maja kaleha, jakaja lacieła na tydzień raniej za nas, sutyknułasia z zatrymkaj rejsa da Piekina i prapuściła nastupny da Sańji. Hetyja pytańni daviałosia vyrašać samastojna z avijakampanijaj — turahient naŭrad ci zmoža dapamahčy.

I ŭličvajcie, što ŭ Kitai mała chto havoryć pa-anhielsku! Sprabavać parazumiecca davodzicca žestami abo praź pierakładčyk u telefonie. Tamu ja raju adpačynak siudy płanavać samastojna i być hatovymi da nakładak».

Pavialičyć

Jašče adzin momant, na jakim spyniłasia Śniažana, — heta hatelnaja baza. Z-za doŭhaha łakdaŭnu mnohija hateli na Chajnani ciapier vyhladajuć nie vielmi prezientabielna.

Pavialičyć

«Naša turahientka kazała, što my zrabili vydatny vybar pa hateli. Ale

patrapiŭšy ŭ numar, my byli šakavanyja: ścieny, dźviery, mebla — usio padrapanaje i staroje, lusterka ŭ niejkich plamach, rakavina ŭ vannaj praciakaje, napor vady z duša vielmi słaby, u numary žudasny pach vilhaci.

Heta hatel katehoryi piać zorak. Tamu vielmi važna šukać śviežyja vodhuki pra hateli, jakija vam prapanujuć», — raić padarožnica.

• 2
• 0
• 13
• 5
• 4
• 4
• 6
• 0