Baćki spračalisia kamu karmić dačku, što pryviało da jaje hibieli
Trahiedyja zdaryłasia ŭ Asipovičach u krasaviku.
Uviečary 20 krasavika bryhada chutkaj dapamohi, što pryjechała na vyklik, kanstatavała śmierć niemaŭlaci. Viečaram maładaja para raspaviała śledčym, što jany sprabavali supakoić dzicia, jakoje płakała. Ich dačka ŭpała i atrymała śmiarotnyja traŭmy. Muž i žonka vykazvali roznyja viersii zdareńnia, a paśla i zusim kazali, što śmierć dziaŭčynki nastupiła bieź ich udziełu, paviedamlaje SK
Padčas papiaredniaha rasśledavańnia vyśvietliłasia, što baćki vypuścili dzicia na padłohu dniom 17 krasavika. Heta adbyłosia pa nieaściarožnaści padčas karmleńnia, bo dziaŭčynka znachodziłasia na štučnym karmleńni.
Maci ŭziała dačku ź dziciačaj kałyski i sieła na kanapu, kab pakarmić jaje sumieśsiu z butelečki. U hety čas pobač znachodziŭsia jaje muž, jaki taksama chacieŭ pakarmić. Padčas sprečki jany pačali ciahnuć dzicia ŭ roznyja baki i adnačasova vypuścili z ruk.
Dziaŭčynka skaciłasia pa krai kanapy i ŭpała na padłohu. Niahledziačy na padzieńnie, baćki nie źviarnulisia pa miedycynskuju dapamohu.
20 krasavika da mužčyny zajšoŭ dziadźka z małaletniaj dačkoj, jakija žyli pa susiedstvie. Jany raśpivali śpirtnoje na vulicy. Pry hetym baćki pa čarzie zachodzili ŭ dom, kab pryhledzieć za śpiačym u kałyscy dziciem. Kali čarhovy raz baćka zajšoŭ u pakoj, dzie znachodziłasia dziaŭčynka, jon vyjaviŭ, što niemaŭla nie padaje prykmiet žyćcia. Razam z žonkaj jany sprabavali pryvieści dzicia ŭ pačućcie, vynosiačy jaho na śviežaje pavietra i robiačy štučnaje dychańnie. Adnak ich dačka nie dychała.
Pavodle zaklučeńniaŭ stacyjanarnych psichołaha-psichijatryčnych ekśpiertyz, maładyja baćki pryznanyja adekvatnymi i zdolnymi ŭśviedamlać faktyčny charaktar i hramadskuju niebiaśpieku svaich dziejańniaŭ. Svajaki charaktaryzujuć mužčynu jak spakojnaha čałavieka, a jaho žonku — jak valavuju i schilnuju da daminavańnia. Susiedzi adznačajuć, što maładyja baćki pieryjadyčna ŭžyvali śpirtnoje.
Dziejańni pary kvalifikavany pa č. 1 art. 144 (pryčynieńnie śmierci pa nieaściarožnaści) Kryminalnaha kodeksa. Raniej jany nie pryciahvalisia da kryminalnaj adkaznaści.
Sudom Asipovickaha rajona kožnamu z maładych baćkoŭ pryznačana pakarańnie ŭ vyhladzie dvuch hadoŭ abmiežavańnia voli z nakiravańniem va ŭstanovy adkrytaha typu (chimija). Prysud u zakonnuju siłu nie ŭstupiŭ.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
a tysiači ludiej sidiat ot 2 do 10 za nieskolko pravdivych słov v intiernietie.
eto i jesť FAŠIZM.