U Chielsinki ŭžo hod nie było DTZ sa śmiarotnym vynikam. Jak takoha dabilisia?
Za apošnija 12 miesiacaŭ u stalicy Finlandyi Chielsinki nie zafiksavali nivodnaha śmiarotnaha vypadku na darohach. Pavodle infarmacyi haradskich uład i palicyi, apošniaja śmierć u vyniku DTZ tut adbyłasia ŭ lipieni 2024 hoda. Hetaja situacyja ličycca vyklučnaj, i taki pośpiech źviazvajuć ź niekalkimi faktarami, piša yle.fi.
Adzin z hałoŭnych faktaraŭ — źnižeńnie chutkasnych abmiežavańniaŭ. Bolš za pałovu vulic u horadzie ciapier majuć limit 30 km/h, u toj čas jak 50 hadoŭ tamu heta było 50 km/h. Asablivaje značeńnie nadajecca biaśpiecy dziaciej: chutkaść kala škoł taksama budzie źnižanaja da 30 km/h z pačatkam novaha navučalnaha hoda.
U horadzie značna palepšyli piešachodnuju i rovarnuju infrastrukturu, zrabili bolš biaśpiečnymi skryžavańni i piešachodnyja pierachody. Aktyŭna vykarystoŭvajucca aŭtamatyčnyja kamiery i inšyja srodki kantrolu, a taksama ŭzmocniena supracoŭnictva z darožnaj palicyjaj.
Raźvitaja sistema hramadskaha transpartu źnižaje patrebu ŭ aŭtamabilach, što taksama ŭpłyvaje na źmianšeńnie kolkaści avaryj. Akramia taho, sučasnyja technałohii zrabili transpartnyja srodki bolš biaśpiečnymi.
Heta častka doŭhaterminovaj stratehii biaśpieki darožnaha ruchu na 2022—2026 hady, jakaja skiravana na abaronu najbolš uraźlivych udzielnikaŭ ruchu — dziaciej, moładzi, piešachodaŭ i ravarystaŭ. Vialikaja ŭvaha advodzicca zboru i analizu adpaviednych danych.
U paraŭnańni z kancom 1980-ch, kali ŭ Chielsinki było kala 1000 avaryj z traŭmami štohod i da 30 śmiarotnych vypadkaŭ, u apošni hod takich avaryj było tolki 277.
Jak śćviardžaje haradski inžynier Roni Utryajnien, pośpiech staŭ mahčymy dziakujučy supolnym namahańniam usich udzielnikaŭ darožnaha ruchu. Adznačajecca taksama, što elektrasamakaty stali novym vyklikam, ale za apošnija piać hadoŭ dla ich taksama raspracavali adpaviednyja rašeńni.
Chielsinki prytrymlivajucca stratehii ES Vision Zero — dasiahnieńnie nulavoha ŭzroŭniu śmiarotnaści na darohach da 2050 hoda. U horadzie ličać, što hetaja meta pavinna ŭpłyvać na ŭsie rašeńni, jakija prymajucca ŭ śfiery transpartu i biaśpieki.
Fłarencyju nazvali najlepšym horadam Jeŭropy dla turyzmu
Skandynavija pryciahvaje biełarusa: dalnabojščyk raskazaŭ ab pracy ŭ krai vikinhaŭ
«Ja amal zaŭsiody ŭ darozie». Historyja biazdomnaj biełaruski, jakaja žyvie ŭ padarožžach
«Pryjazdžaješ biez ofiera — budzie ciažka». Ajcišnik-sieńjor pracuje ŭ šviejcarskim banku. Voś jak da hetaha išoŭ
Ciapier čytajuć
Dla kaho sabralisia budavać vielizarny vantavy most u Minsku?3
Kamientary
U toj čas jak u Biełarusi dahetul: budavać u haradach šyrokija šmatpałosnyja chutkasnyja trasy z raźviazkami.
U Finlandyi tački tannyja, ale abładajucca padatkam, darahoj strachoŭkaju, a biez techahladu doŭha nie pakataješsia.