Pra ataku ŭkrainskich bieśpiłotnikaŭ na adno z pradpryjemstvaŭ u Pienzie paviedamiŭ hubiernatar Pienzienskaj vobłaści Aleh Mielničenka. Na terytoryi vytvorcy radyjoelektroniki ŭzarvałasia 9 dronaŭ, pryznaŭ jon.
«Siońnia ranicaj była ździejśnienaja ataka bieśpiłotnikaŭ na adno z pradpryjemstvaŭ u Zavodskim rajonie horada Pienzy. Dzieviać bieśpiłotnych latajučych aparataŭ vybuchnuli na terytoryi pradpryjemstva», — skazaŭ Aleh Mielničenka ŭ videazvarocie.
Padčas ataki byŭ paškodžany fasad adnaho z cechaŭ, a taksama adbyłosia ŭzharańnie składskoha pamiaškańnia, dadaŭ čynoŭnik. Pavodle jaho słoŭ, z supracoŭnikaŭ nichto nie paciarpieŭ.
U Pienzie pavietranaja niebiaśpieka z-za ataki dronaŭ abjaŭlałasia, jak śćviardžajecca, upieršyniu.
U svaju čarhu, kiraŭnik Centra supraćdziejańnia dezynfarmacyi pry Radzie nacyjanalnaj biaśpieki i abarony Ukrainy Andrej Kavalenka zajaviŭ, što cellu dla ataki dronaŭ byŭ Pienzienski radyjozavod, jaki pracuje na vajskova-pramysłovy kompleks RF i śpiecyjalizujecca na vytvorčaści sistem kiravańnia vojskami i zbrojaj. «Važnaje pradpryjemstva VPK RF», — padkreśliŭ Kavalenka.
Atakavanaje pradpryjemstva ŭvachodzić u prynaležnuju da «Rastecha» «Abjadnanuju pryborabudaŭničuju karparacyju» i znachodzicca ŭ sankcyjnych śpisach Jeŭrasajuza, ZŠA i Kanady.
«Radyjozavod u Pienzie stuknuŭsia pad ranicu ab drony. Pa śviedčańniach miascovych žycharoŭ, noč prajšła jarka, z ahieńčykam. U rajonie zavoda čulisia vybuchi, uźnik pažar», — napisaŭ telehram-kanał «Krymskij vietier», apublikavaŭšy sabranyja im fotazdymki i videazapisy zdareńnia.
Ciapier čytajuć
Aryštavany viadomy nieŭrołah Rusłan Badamšyn. Jon byŭ na chatniaj chimii12
Kamientary