Endzi Biornem zajaviŭ pra niepachisnuju i rašučuju padtrymku Ukrainy
Novapryznačany premjer-ministr Vialikabrytanii Endzi Biornem u svajoj pieršaj pramovie zajaviŭ pra namier nieadkładna pahavaryć z prezidentam Ukrainy Uładzimiram Zialenskim i jašče raz paćvierdzić svaju padtrymku Ukrainy, paviedamlaje Sky News.
«Paźniej siońnia ja vielmi dakładna dam zrazumieć prezidentu Zialenskamu, što, jak vy viedajecie, ničoha nie źmianiłasia. Ja budu padtrymlivać jaho na 100%, hetak sama jak heta rabiŭ Kir Starmier», — zajaviŭ Bernem.
Novy premjer-ministr Vialikabrytanii paviedamiŭ žurnalistam, što prezident Ukrainy Uładzimir Zialenski i prezident ZŠA Donald Tramp stanuć jaho «pieršymi surazmoŭcami» siońnia.
Biornem adznačyŭ, što na praciahu apošnich niekalkich hadoŭ, zajmajučy pasadu mera Vialikaha Mančestera, jon supracoŭničaŭ z ukrainskimi merami.
«Ja vykarystoŭvaju ŭvieś hety vopyt u svajoj novaj roli, i prezident Zialenski nie budzie mieć nijakich sumnievaŭ u tym, što padtrymka Vialikabrytanii źjaŭlajecca niepachisnaj, rašučaj, što jana zaŭsiody budzie pobač ź im, i ja asabista taksama budu pobač ź im», — dadaŭ jon.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary