Kiroŭca aŭtobusa ŭvoziŭ u Biełaruś miefiedron va ŭpakoŭcy dla pralnaha parašku
U punkcie propusku «Brest» mytniki vyjavili sprobu niezakonnaha ŭvozu ŭ Biełaruś asabliva niebiaśpiečnaha psichatropnaha rečyva — bolš za 28 hramaŭ miefiedronu, paviedamlaje Dziaržaŭny mytny kamitet.
Parušeńnie było vyjaŭlena, kali ŭ punkt propusku pad kiravańniem 48‑hadovaha hramadzianina Biełarusi prybyŭ pasažyrski aŭtobus Setra.
Padčas mytnaha kantrolu kiroŭca pakazaŭ asabistyja rečy i pakiet z pakupkami, jaki, pavodle jaho słoŭ, jon uziaŭ u Polščy dla pieravozki. Mytniki pryniali rašeńnie pravieryć bahaž z vykarystańniem renthienaŭskaj ustanoŭki.
Padčas skanavańnia śpiecyjalisty zaŭvažyli nietypovaje ŭkładańnie ŭnutry ŭpakoŭki sa srodkam dla myćcia. Dadatkova na najaŭnaść zabaronienych rečyvaŭ adreahavaŭ słužbovy sabaka.
Padčas ahladu z upakoŭki byŭ vyniaty palimierny ziplock-pakiet z kryštaličnym rečyvam biełaha koleru. Sudovaja ekśpiertyza paćvierdziła, što heta miefiedron — asabliva niebiaśpiečnaje psichatropnaje rečyva. Ahulnaja masa kanfiskavanaha rečyva skłała bolš za 28 hramaŭ.
Bresckaja mytnia raspačała kryminalnuju spravu pavodle č. 2 art. 328‑1 Kryminalnaha kodeksa Biełarusi — niezakonnaje pieramiaščeńnie praz mytnuju miažu Respubliki Biełaruś asabliva niebiaśpiečnych psichatropnych rečyvaŭ.
Sankcyja artykuła praduhledžvaje pakarańnie až da 10 hadoŭ pazbaŭleńnia voli.
Rasijanku, jakaja zrabiła ŭ bary «kaljan na kuličy», usio ž nie buduć adpraŭlać u kałoniju
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
U Rasii biełarus fasavaŭ narkotyki ŭ karobki ad piačeńnia i adpraŭlaŭ pakupnikam praz taksi. Taksist nie pavieryŭ i pavioz piačeńnie ŭ palicyju
Kiroŭca aŭtobusa sprabavaŭ uvieźci ŭ Biełaruś narkotyki pad vyhladam kansiervaŭ
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja6
Kamientary