Dačka śpiecpradstaŭnika prezidenta ZŠA pa pytańniach Ukrainy Kita Kiełaha, Mehan Mobz, prakamientavała čarhovuju ataku Rasii na Kijeŭ, adznačyŭšy, što takim čynam kiraŭnik Kramla Uładzimir Pucin «vypraboŭvaje rašučaść i siłu Amieryki», piša «Ukrainskaja praŭda».
«Kijeŭ tryvaje masiravanuju ataku dronaŭ. Nie sumniavajciesia, heta adkaz Pucina na dedłajn prezidenta Trampa. Jon vypraboŭvaje rašučaść i siłu Amieryki. My nie pavinny vyjavicca biezpamožnymi», — napisała jana.
Prezident ZŠA Donald Tramp abviaściŭ, što anansavany im novy krajni termin dla Rasii, kab jana spyniła vajennyja dziejańni suprać Ukrainy, składaje 10 dzion i pačynajecca z aŭtorka, 29 lipienia.
Raniej Mobz kamientavała ŭ červieni čarhovuju masiravanuju ataku Rasii na ŭkrainskija harady, zajaviŭšy, što maje «dziŭnaje adčuvańnie, nibyta Rasija nie choča miru».
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»4
Kamientary