Były abaronca kłubaŭ Nacyjanalnaj chakiejnaj lihi Džon Mišuk pamior va ŭzroście 84 hadoŭ, paviedamlaje «Biełaruski chakiej».
Jon naradziŭsia 29 vieraśnia 1940 hoda ŭ Nalibakach (Staŭpieččyna) jak Jan Mišuk. U 1943 hodzie jaho rodnuju viosku Nalibaki spalili nacysty, a tych žycharoŭ, što zastalisia žyvymi, nakiravali na prymusovyja raboty ŭ Hiermaniju. Paśla vajny mnohija siemji z łahieraŭ emihravali za akijan.
Baćka Jana pierajechaŭ u Kanadu ŭ 1950 hodzie, a chutka zabraŭ da siabie i ŭsiu siamju. Džon pačaŭ hulać u chakiej u 10 hadoŭ, tym nie mienš jamu ŭdałosia prabicca ŭ NCHŁ, dzie jon pravioŭ 237 matčaŭ na pazicyi abaroncy ŭ składzie «Detrojta», «Čykaha», «Fiładelfii» i «Miniesoty».
Akramia taho, na jaho rachunku 214 sustreč va Suśvietnaj chakiejnaj asacyjacyi za «Mičyhan Stehs/Bałtymar Błejds» i «Kałhary Kaŭbojaŭ». U hetych hulniach jon zapisaŭ na svoj rachunak 72 (6+66) ački.
Paśla zaviaršeńnia karjery Mišuk pabudavaŭ paśpiachovy biźnies u śfiery hramadskaha charčavańnia.
U 2019 hodzie jon naviedaŭ rodnyja Nalibaki.
Ciapier čytajuć
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika2
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu44
Kamientary