Zialenski: Ukraina źmienić pieramoŭnuju pazicyju paśla siońniašniaha rasijskaha udaru
Prezident Ukrainy Uładzimir Zialenski zajaviŭ, što Kijeŭ źmienić svaju pazicyju na mirnych pieramovach z Rasijaj paśla maštabnaha ŭdaru pa enierhietyčnaj infrastruktury krainy. Pavodle jaho słoŭ, ataka, jakaja adbyłasia 3 lutaha, była naŭmysnaj i supravadžałasia biesprecedentnaj kolkaściu balistyčnych rakiet.
Zialenski padkreśliŭ, što rasijskaja armija skarystałasia z prapanovy ZŠA pra karotkuju paŭzu va ŭdarach nie dziela padtrymki dypłamatyi, a kab nazapasić rakiety i ŭdaryć u samy chałodny pieryjad hoda, kali tempieratura ŭ mnohich rehijonach Ukrainy apuskajecca da −20 °C i nižej.
U vyniku ataki byli surjozna paškodžanyja enierhietyčnyja abjekty ŭ Charkaŭskaj, Dnieprapiatroŭskaj, Kijeŭskaj, Vińnickaj i Adeskaj abłaściach, a taksama ŭ Zaparožžy.
Zialenski zajaviŭ, što hetyja ŭdary śviedčać: Maskva nie źmianiła svajho padychodu i pa-raniejšamu robić staŭku na vajnu, nie ŭsprymajučy dypłamatyju surjozna. U suviazi z hetym praca ŭkrainskaj pierahavornaj kamandy budzie adpaviedna skarektavanaja.
Nastupnaja sustreča delehacyj Ukrainy i Rasii zapłanavanaja na 4 lutaha ŭ Abu-Dabi.
Raniej ministr enierhietyki Ukrainy Dzianis Šmyhal paviedamiŭ, što pad udaram apynulisia ciepłaelektracentrali i elektrastancyi. U Charkaŭskaj vobłaści byli paškodžanyja CEC-5 i niekalki padstancyj, što pryviało da spynieńnia ciepłazabieśpiačeńnia sotniaŭ žyłych damoŭ. Bieź ciapła zastalisia kala 105 tysiač spažyŭcoŭ, u horadzie ŭviali režym nadzvyčajnaj situacyi z-za pahrozy žyćciu i zdaroŭju ludziej u zimovy pieryjad.
U Kijeŭskaj vobłaści byli paškodžanyja Trypolskaja CES i mahutnaja padstancyja, jakaja złučaje Rovienskuju AES sa stalicaj. U samim Kijevie paciarpieła CEC-4, u vyniku čaho na levym bierazie Dniapra ŭviali avaryjnyja adklučeńni elektryčnaści, a biez aciapleńnia zastalisia bolš za tysiaču šmatkvaternych damoŭ.
Taksama pad udary trapili Ładyžynskaja CES u Vińnickaj vobłaści, Prydniaproŭskaja CES u Dnieprapiatroŭskaj i enierhietyčny abjekt u Adeskaj vobłaści, dzie bieź śviatła zastalisia dziasiatki tysiač ludziej. Ukrainskija ŭłady padkreślili, što ŭdary byli nakiravanyja vyklučna na cyvilnyja abjekty i pryviali da taho, što sotni tysiač siemjaŭ, u tym liku ź dziećmi, zastalisia bieź ciapła ŭ mocnyja marazy.
U svaju čarhu Ministerstva abarony Rasii zajaviła, što nibyta naniesła masiravany ŭdar pa pradpryjemstvach ukrainskaha vajenna-pramysłovaha kompleksu, enierhietyčnych abjektach, jakija ich absłuhoŭvajuć, a taksama pa miescach zachoŭvańnia i zborki dalokasiažnych bieśpiłotnikaŭ.
Stała viadoma, kali adnoviacca pieramovy pa ŭrehulavańni va Ukrainie
Rasija znoŭ udaryła pa enierhietycy Ukrainy: u Charkavie i Kijevie adklučajuć aciapleńnie ŭ 20‑hradusny maroz
Ukraina damoviłasia z ZŠA i Jeŭropaj, jakim budzie trochetapny adkaz na parušeńni režymu spynieńnia ahniu z boku Rasii
Rasija znoŭ udaryła pa enierhietycy Ukrainy: u Charkavie i Kijevie adklučajuć aciapleńnie ŭ 20‑hradusny maroz
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary
Osieńju nado nakaplivať siły i nanosiť udary po bojevym vozmožnostiam rašistov, čtoby paralizovať ich ataki na vieś zimnij pieriod.