Iłan Mask abjadnoŭvaje Space X i xAI dla stvareńnia data-centraŭ u kosmasie
Multymiljarder Iłan Mask abjadnoŭvaje dźvie svaje kampanii — SpaceX i xAI, u vyniku čaho źjavicca hihant z acenienaj vartaściu kala 1,25 tryljona dalaraŭ. Z hetaj sumy prykładna 1 tryljon prypadaje na SpaceX, a jašče 250 miljardaŭ — na kampaniju xAI. Mienavita takija ličby byli ahučanyja supracoŭnikam u pačatku tydnia, paviedamlaje Bloomberg.
«SpaceX nabyła xAI, kab stvaryć samuju ambicyjnuju viertykalna-intehravanuju inavacyjnuju płatformu na Ziamli (i za jaje miežami), jakaja abjadnoŭvaje štučny intelekt, rakiety, kaśmičny internet, pramuju suviaź z mabilnymi pryładami, a taksama viadučuju ŭ śviecie płatformu dla abmienu infarmacyjaj u realnym časie i svabodnaha vykazvańnia mierkavańniaŭ», — havorycca ŭ paviedamleńni, raźmieščanym viečaram paniadziełka na sajcie SpaceX.
Sam Iłan Mask patłumačyŭ, što klučavaja ideja abjadnańnia ŭ tym, što ŭžo praz dva—try hady najbolš tannyja vyličeńni dla štučnaha intelektu možna budzie pravodzić mienavita ŭ kosmasie.
«Mahčymaści, jakija my adkryjem sa stvareńniem kaśmičnych data-centraŭ, dazvolać finansavać i zabiaśpiečvać rabotu samaraźvićciovych baz na Miesiacy, novaj cyvilizacyi na Marsie i, u rešcie rešt, ekspansiju da maštabaŭ Suśvietu», — ličyć Mask.
Pavodle krynic Bloomberg, abjadnanaja kampanija płanuje vyjści na biržu z IPO paźniej u hetym hodzie.
Raniej Financial Times pisała, što SpaceX razhladała mahčymaść praviadzieńnia IPO ŭžo ŭ červieni z abjomam pryciahnieńnia kala 50 miljardaŭ dalaraŭ i ahulnaj kapitalizacyjaj da 1,5 tryljona. Kali b heta adbyłosia, takoje raźmiaščeńnie stała b najbujniejšym IPO ŭ historyi.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?68
Kamientary