Lidar rasijskaha hurta «Ruki vvierch!» adkryvaje ŭ Mahilovie bar, dzie ŭsio budzie pradavacca za žukojny
Ustanova, jakaja adkryjecca ŭ Mahilovie na miescy byłoha kłuba «Forum» na Leninskaj, źjaŭlajecca častkaj prajekta Siarhieja Žukava. Pad hetym brendam kłuby i restarany ŭžo niekalki hadoŭ paśpiachova pracujuć u Rasii, adkryvajecca taki bar i ŭ Minsku.
U Mahilovie karaokie-bar na pieršym paviersie vykanany ŭ styli art-deko — heta kanapy i kresły z prostaj hieamietryjaj i strymanymi kolerami, štory i ciul, jakija stvarajuć amal chatniuju abstanoŭku. Na fonie ciomnych ścien — kryštal lustraŭ i bra, jakija ŭžo raźviešany ŭ pamiaškańni karaokie-bara. Zału dekarujuć kasietami, płaścinkami i inšymi artefaktami z 90-ch, piša «Mahiloŭ anłajn».
Na druhim paviersie — tancplacoŭka, stoliki, scena dla vykanaŭcaŭ, bar i čatyry vip-pakoi (jašče adna — na pieršym paviersie).
Asnoŭnaje pamiaškańnie dvuchuzroŭnievaje: na šyrokim bałkonie — taksama stoliki dla haściej. Fotazony zapłanavali ŭ chole na druhim paviersie — u styli Barbi dla dziaŭčat i bolš niejtralnaja — pa papularnym u 90-ch sieryjale «Santa Barbara». Zaraz viaducca pracy pa afarmleńni hetych abjektaŭ.
«Vipki» zapłanavany dla adpačynku kampanij: čatyry ŭ niejtralnym afarmleńni, adna — u jarkich ružovych tanach, prydatnaja dla dziavočnikaŭ i inšych žanočych mierapryjemstvaŭ, chacia nijakich strohich kryteryjaŭ dla haściej, viadoma ž, niama. Usiudy ŭstanoviać novaje sučasnaje abstalavańnie. U pamiaškańni kłuba — scena ź vielizarnym ekranam huk i śviatło. Usio heta dazvolić zaprašać dla vystupleńniaŭ samych roznych artystaŭ — ad biełaruskich kavier-bendaŭ da zorak rasijskaj estrady 90-ch i sučasnych vykanaŭcaŭ.
U mieniu, jakoje dziejničaje dla restaranaŭ i baraŭ u Rasii, častkova paŭtorać, ale, chutčej za ŭsio, jano budzie adaptavana dla Biełarusi i kankretna dla Mahilova. Ale samyja hałoŭnyja «fiški» abiacajuć zachavać.
Pry hetym stravy, u paraŭnańni ź inšymi ŭstanovami horada, buduć kaštavać nie daražej i mieć fiksavanuju adnu canu.
Tannaha ałkaholu nie budzie. Užo ciapier dyrekcyja adznačaje, što takim čynam «Ruki vvierch» zachavaje status kulturnaj i biaśpiečnaj prastory: mocny ałkahol abiacaje być jakasnym i darahim. Piva — u miežach zvyčajnych ceńnikaŭ dla miescaŭ adpačynku takoha ŭzroŭniu z pastaŭkami ź Jeŭropy.
Budzie ŭnutry ŭstanovy dziejničać i svaja «valuta» — žukojn. Što heta takoje i jak jaje atrymać, arhanizatary raskažuć paźniej.
Ciapier čytajuć
Kiełahu pakazali kampramietujučyja videamateryjały na biełaruskuju apazicyju? Tak miarkuje Łatuška18
Kamientary