Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
Chakiery śćviardžajuć, što zmahli atrymać kantrol nad piersanalnymi kampjutarami supracoŭnikaŭ, uklučajučy vyšejšaje kiraŭnictva.
Chakierskaja hrupa Silent Crow i biełaruskija Kibierpartyzany zajavili, što praviali praciahłuju i maštabnuju apieracyju, u vyniku jakoj źniščyli ŭnutranuju IT-infrastrukturu rasijskaj avijakampanii «Aerafłot».
«Na praciahu hoda my znachodzilisia ŭnutry ich karparatyŭnaj sietki, mietadyčna raźvivajučy dostup, pahłyblajučysia da samaha jadra infrastruktury», — havorycca ŭ zajavie.
Chakieram udałosia atrymać i vyhruzić poŭny masiŭ baz danych historyi pieralotaŭ. A taksama skampramietavać usie krytyčnyja karparatyŭnyja sistemy. Chakiery zmahli atrymać kantrol nad piersanalnymi kampjutarami supracoŭnikaŭ, uklučajučy vyšejšaje kiraŭnictva.
Kibier-hrupy śćviardžajuć, što skapijavany danyja ź siervieraŭ prasłuchoŭki, uklučajučy aŭdyjazapisy telefonnych razmoŭ i pierachoplenyja kamunikacyi. Vyniaty danyja ź sistem nazirańnia i kantrolu za piersanałam.
Adnaŭleńnie resursaŭ budzie patrabavać, mahčyma, dziasiatki miljonaŭ dalaraŭ, adznačajuć chakiery.
Kibier-hrupy pišuć, što heta ataka — pasłańnie dla FSB i inšych rasijskich słužb, što jany nie mohuć abaranić navat svaje klučavyja infrastruktury.
«U bližejšy čas pačniecca publikacyja častki atrymanych danych. My nie prosta źniščyli infrastrukturu — my pakinuli śled.
Słava Ukrainie! Žyvie Biełaruś!
Piersanalnyja źviestki ŭsich rasiejcaŭ, jakija kali-niebudź latali «Aerafłotam», ciapier taksama adpravilisia ŭ padarožža — praŭda, biez bahažu i ŭ adzin kaniec», — skazana ŭ zajavie.
Siońnia paviedamlałasia, što «Aerafłot» źmianiaje raskład rejsaŭ u suviazi sa zbojem infarmacyjnych sistem avijakampanii. Na hety momant admienienyja 49 rejsaŭ, u tym liku ŭ Biełarusi. U rasijskich aeraportach — chaos.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
Što heta takoje? Jasna, što chto pojdzie da načalstva z takim pytańniem, taho adrazu zahrabuć na dopyt u KDB, jak niełajalnaha ŭładzie. I pasadziać za ekstremizm.