«Skłali na ŭskrajku lesu — i cišynia». Łukašenka zapatrabavaŭ zdabyvać prybytak z burałomaŭ
Padčas narady z kiraŭnikami dypłamatyčnych pradstaŭnictvaŭ Łukašenka akcentavaŭ uvahu na nieabchodnaści raźvivać drevaapracoŭku i stvarać z pavalenaha ŭrahanam lesu maržynalny pradukt. Pry hetym jon panarakaŭ, što choć pad jahonym ciskam burałom źbirajecca i vyvozicca, ale paśla prosta hnije.
«U nas što ni ŭrahan, to prablema. Pad ciskam prezidenta les pałamany-pierałamany apracavali, vyvieźli, skłali na ŭskrajku lesu — i cišynia. Usio hnije. Pytańnie, navošta my vyvozili tady hety les i ratavali ad burałomu», — aburyŭsia Łukašenka.
Jon padkreśliŭ, što hety les možna pierapracavać u maržynalnyja pradukty, takija jak pielety.
«Śmiećcie ŭsio pierapracavali, zrabili pielety — niama kudy padzieć. Pajechaŭ na pradpryjemstva, pahladzieŭ, pytajusia: pielety patrebnyja ŭ śviecie? Patrebnyja! Pradajecie? Pradajem! I nie ŭ straty. Tak, maržynalnaść nizkaja ciapier u suviazi z tym, što pajšoŭ Jeŭrasajuz. Ale jon pryjdzie», — upeŭnieny palityk.
Jon ličyć niedapuščalnaj situacyju, kali leśniki sumiesna z kiraŭnikami sielhaspradpryjemstvaŭ vyvoziać pavaleny les i prosta pakidajuć jaho na palach. Maŭlaŭ, takim čynam nanosicca padvojnaja škoda: i sam les hnije, i zajmajecca ŭradlivaja ziamla.
A pamahčy pierapracavać burałom, na jahonuju dumku, mahli b zacikaŭlenyja krainy, naprykład, Aman.
«Jany hatovyja tut budavać. Užo paŭhoda cielapajemsia paśla majho vizitu tudy», — znoŭ panarakaŭ Łukašenka na nierazvarotlivaść atačeńnia.
Najbujniejšy ŭ Biełarusi pieletny zavod spyniaŭ pracu praz sankcyi. Ciapier «aryjentujecca na ŭnutrany rynak»
Najbujniejšy ŭ Biełarusi pieletny zavod spyniaŭ pracu praz sankcyi. Ciapier «aryjentujecca na ŭnutrany rynak»
Łukašenka raskazaŭ, jaki cud u Biełarusi robiać z haŭna
Biełaruś nie zmahła znajści zamienu jeŭrapiejskim rynkam dla prodažu pielet
Ceny na draŭninu na suśvietnym rynku abvalilisia
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary